'''Knieperties''' of '''iezerkoekies''' bint zoete, dunne haarde [[waofel]]s dei traditioneel umendebie de [[jaorwisseling]] bakken wordt. Ze wordt eten in [[Drenthe]], [[Overiessel]], [[Grunnen (provìnzie)|Grunning]] ([[Veenkelonies]] en [[Westerwoolde|Westerwôlde]]) en [[Gelderlaand]] (de [[Achterhook|Achterhoek]]).
Knieperties wordt bakken in speciaole waofeliezers. Vrogger waren dit [[gietiezer|geeitiezeren]] kniepiezers dei boven het heerdvuur holden werden. Nu wordt elektrische waofeliezers gebruukt.
Het meist liekt knieperties nog up [[oubliehoorn]]s zoas gebruukt veur schepies, maor het recept is aanders: zeuiter en mit keneel.
==Oprollen==
:''Zie ok: [[Nijjoarsrollechie]]''
Volgens de [[Portaol:Nedersaksische kultuur|traditie]] heuren de waofelties in [[december]] plat, as ''kniepertie'', presenteerd te worden en vanof [[nijjoar|neeijaorsdag]] as neeijaorsrollechie. De gedachte hierachter is dat in december het olde jaor zich glad en al ontvouwen hef. Op neijaorsdag symboliseert het rollechie het onbekende neie jaor.
De platte versie wordt veural in Drenthe en Overiessel eten, de oprolde versie meer in Grunning en de Achterhoek.
==Trivia==
*In [[Koevern]] werd in vroggere tieden de iezerkoekies oetdeeld an de armen. In [[1770]] werd een poging daon dit gebruuk te verbieden, zönder succes.
