Verskil tüsken versys van "Leegsaksische orthogroafie"
Verwijderde inhoud Toegevoegde inhoud
+ Kreenk vuur de Twentse Spraak |
Zin verdudelijkt |
||
Regel 1:
'''Leegsaksische orthogroafie''' is de [[spèllen]] of schriefwieze van de [[Nedersaksisch|Leegsaksische]] toal. In de tied van de [[Hanze]] wuir t schrieven van Leegsaksische teksten net zo naauw nomen as dat der nou aan tougaait in t [[Nederlaands]], [[Hoogduuts]] of t [[Engels]]. In t Leegsaksisch is der - in tegenstèllen tot aandere toalen - gain woordenbouk opsteld, om t toalgebroek vaast te leggen. Der binnen wel standoarden, môr gainain is verplicht om zok doaraan te holden.
t Probleem mit de Leegsaksische orthogroafie is de veule dialekten dij t het, in Duutslaand hebben ze n vrai algemaine spèllen veur t Platduuts môr in Nederlaand hest sikkom zeuven of tien spèllenssystemen. Wat ok veur de spèllen n probleem is, is dat t Leegsaksisch nait in n enkel laand sproken wordt, en dat der veur n poar vokoalen gain normoale Nederlaandse, Duutse of Engelse letters bint, bieveurbeeld de duustere a dij noar de o overgaait, zo as de Deense [[å]]. t Wordt dan maisttieds schreven as n ''oa'' of ''ao'' môr in sommege spèllenssystemen zaist ook wel de ''åå'', ''å'', ''ôô'', ''oo'' en soms ook hail wat aanders. In t [[Platduuts]] zain ze dat net wat aanders, doar worden aal ''aa''-klaanken oetsproken as de ''oa'' en wordt t dan ook voak zain as n oetsproakvariaant van de ''aa''.
Ain van de grootste problemen bie de spèllen van t Leegsaksisch is dat de maiste mìnsken dij plat proaten t fonetisch op willen schrieven, zo as n klaankschrift, krekt opschreven zo as t zegd wordt veur elk dialekt, nait abstrakter, fonemisch en n spèllen dijst veur aal dialekten broeken kìn, zo as dat ook in aandere toalen gebeurt. n Aander groot probleem is, dat de spèllen van t Leegsaksisch in [[Nederlaand]] op de Nederlaanse spèllen baseerd is en in [[Duutslaand|Noord-Duutslaand]] op de Duutse spèllen, en doar roaken mìnsken voak van in de war. Nou dat de toal offisjeel as apaarte toal erkend is, denken meer en meer mìnsken dat t Leegsaksisch ook wel weer n uniforme spèllen zol hebben, en dat had t ook in de tied van de [[Hanze]]. Doarintegen denken aandern weer dat n uniforme spèllen de dialekten juust schoade aan kìn brengen en derveur zorgt dat de diversiteit verdwient. Môr de aandere group antwoordt hierop, dat n standoardspèllen nait t zulfde is as n standoardtoal, umdat n standoardspèllen alleneg t lezen van de verschillende dialekten makkelker môkt.
| |||