Verskil tüsken versys van "Schildknoap"

Verwijderde inhoud Toegevoegde inhoud
Arch (Oaverleg | bydragen)
Nieje pagina: Een '''schildknoap''' was nen (adelleken) jongen kearl dee in deenste stoand van nen ridder. ==Page== Nen schildknoap begun as page (vanof et 7dene tot et 14den, 15den leavens...
(Geen verskil)

Versy up 10:59, 19 jul 2008

Een schildknoap was nen (adelleken) jongen kearl dee in deenste stoand van nen ridder.

Page

Nen schildknoap begun as page (vanof et 7dene tot et 14den, 15den leavensjoar). Adelleu brechten hun zünnen noar nen ridder om zörg te droagen veur den opvoeding. Nen page was nen persoonlek dienoar van den ridder. Den warkzoamheden van nen page bestoanden uut alle veurkommende karweien dee den ridder him opdroog. Bi-jveurbeeld dat den page den moaltied mös kloarmaakn, verantweurdelek was veur et onderholden van den uutrüsting , et verzörgen van den peerden en beestn en under aandere et nachtleager kloar möst maakn. Tiedens den tied dat den jongen kearl page was leerden hi-j mit noame den juuste umgängsvörmen (höffelek wean, eer, mood, trouw) in den ridderleken weald.

Schildknoap

As nen page in de oge van den ridder oaver den juusten eigenschopppen blek te wean en stark genög was, wierd hi-j nen schildknoap. Den schildknoap deenden den ridder en was altied noast him, ok tiedens den veldtochte in den kriege. Doarnoast drog hi-j zien Woapenschild, vandoar den name schildknoap.

Den warkzaamheden van den schildknoap bestoanden veural uut et verzörgen van den uutrüsting van den ridder en et verzörgen van deens peerden en hunden, et verzörgen van wonden en et veurbereiden en anweazig wean bi-j den jächte. Doarnoast leerden hi-j den kriegskunste, vechten, umgoan mit woapens en kreg den schildknoap (gezoamenlek mit aandere schildknoapen) uutgebreiden lichameleken oefeningen. Wanneer den schildknoap zich in den stried of op nen toernooi beweazen had, güf den ridder him den ridderslag. Dit was oaverigens gene verheffing in den edelstaand moar et bewies dat hi-j oaver den juuste (ridderleken) eigenschoppen blek te beschikken.