Verskil tüsken versys van "Brouweri-je"

Verwijderde inhoud Toegevoegde inhoud
Arch (Oaverleg | bydragen)
Nieje pagina: thumb|Den ingänge van den ''[[Karlsruhe Brauerei Moninger''.]] Nen '''brouweri-je''' is nen bedrief dat bier of sake brouwt. Bro...
(Geen verskil)

Versy up 19:05, 4 sep 2008

Nen brouweri-je is nen bedrief dat bier of sake brouwt. Brouweri-jen wödden vrögger mangsmaol evestigd in den buurte van nen bronne van geskikt woater, woarmet et bier of sake ebrouwen wödt, moar noo wödt veulal behandeld leidingwoater ebruukt. Doarnoast bunt gooden vervoerslienen neudig um de dröge too-voegingen noar den brouweri-je te brengen (mout, hop) riest en sake-riest en et gebrouwden bier, sake te vervoeren noar ploatsen van bestemming.

Den ingänge van den Karlsruhe Brauerei Moninger.

Bi-j Jizake möt doar gebruuk wödden emaakt van zowal ploatselek verbouwden riest as ok lokoal woater.

In Nederlaand waren brouweri-jen eurspronkelek vestigd in steedn en darpen. Zo was den Amstel-brouweri-j vestigd in Amsterdam-Oost, en den Heineken-brouweri-j in Old-Zuud. Umdat dee brouweri-jen in de steedn völ aoverlast vereurzoakten in de vörm van stank, en geluudshinder deur et vervoer, wödden zie in völ gevallen verhuusd noar ploatsen woar zie neet zo völle oaverlast vereurzoakten. Zo is den Amstel-brouweri-je, noa et soamengoan mit Heineken, verhuusd noar Zeuterwolde. Ok den Heineken-brouweri-je uut Old-Zuud hebt ze later verploatst.

In Vloanderen was brouwen anvankelek eerder nen ambachteleken warkzoamheid, dee noast nen laandbouwbedrief wöd uut-evoerd. Elk darp had zowat zien eigen brouweri-je(n). Bi-j den industrialisasie konden sommigen zich handhaven en deur uutbreiding uutgreujen tot nen groten brouweri-je, zoas "Grimbergen" of Hoegaarden. De meesten gingen wier vort, of wödden opgekoft deur fabreeks brouweri-jen. Enkele bleaven in bedrief, moar eerder as folklore of vri-jetiedsbesteding, zoas den brouweri-je van Kerkom. Ok et bierbrouwen deur kloosters kent doar nen langen tradisie.

As oldsten brouweri-je ter weald geldt den Bayerische Staatsbrauerei Weihenstephan (Freising-Weihenstephan) dee vanof 1040 besteet. Den oldsten kloosterbrouweri-je (vanof 1050) is evestigd in et klooster Weltenburg. Beide bunt in Duutslaand.

In België mössen noa den Eerssten Wealdkrieg veul brouweri-jen de deure sluuten umdat al et Kopper van den brouwkettels wödden in-enommen.

In 1907 waren doar nog 3.387 brouweri-jen in België, in 2001 waren dit nog moar nen gooden 100, woarvan rundumme 20 in Wallonië.

Zee ok