Verskil tüsken versys van "Piramide van Kheops"

De piramide van Kheops wordt voak in verband bracht mit spirituele filosofien, ook wel [[pyramidologie]] nuimd.

 

[[Ofbeelding:Cheops_grote_gallerij.jpg|right|thumb|Grode Galerij (''foto: [[Peter Prevos]]'')]]

[[Ofbeelding:Cheopsdeuk.jpg|thumb|]]

t Binnenste van de piramide bestond uut ploatselke [[kalkstain]] en doarboven wuir n loag van polijste kalkstain legd woardeur de piramide leek te klandern in t zunlicht. De top wuir ôfdekt deur dekstainen dij meugelk van [[gold]] waren. Vandoag de dag is dij toploag huilmoal votsleten. De menaar woarop zai baauwd wuir is aands nog n groot roadsel. De maiste geleerden denken dat de stainen noar boven brocht wuiren via n trans dij aan de boetenkaande van t piramide laanksluip. Wat ook opvaalnd is, is de verholden met de piramides van [[Mycerinus]] en [[Khefren]]. As man de stand van de piramides vanuut de lucht bekik, stoan zai presies liek mit de gördelsteerns ''Alnitak'', ''Alnilam'' en ''Mintaka'' van t [[konstelloatsie]] [[Orion]] en is de grootte ook vergeliekboar mit de [[magnitude|kloarhaid]] van dizze steerns. Dit bewiest dat de Egyptenoarn veul wozzen van [[wiskunde]] en [[steernskunde]].

 

De oorspronkelke ingaang van de piramide bevindt zuch aan de noordziede. Dizze ingaang was in de oldhaid open, môr wuir deur eerdbevens weer verbörgen. In de [[10e eeuw|10e aiw]] het n Aroabische schatgroaver n nèje ingaang in de noordziede môkt en zo tougang geven tot de binnende struktuur.

Vanuut de ingaang lop n doalnde gaange om en bie 1 [[vierkante meter|m²]] deur tot in de rotse onder de piramide tou. De gaange komt uut in n nait ôfmôkte ondergrondse ruumte.

De omhoog goande gaange komt uut in de galerie, n imponeernde konstruksie in t midden van t piramide. De galerie gef tougang tot twij grafkoamers. De koamers binnen huil verschillend van eerd en in gain van de koamers binnen resten vonden van n [[begraovenis|utegste]]. n Intressant detail in aalbaaide koamers is de aanwezeghaid van zonuimde [[luchtschachten]] in de noord- en zuudwanden. De schachten binnen enkeld 25 sìntimeter braid en hoog. De schachten in t onderste koamer stoppen midden in de piramide. Körtleden onderzuik met n robotkamera het aantoond dat dizze gangen naargens uutkommen. De schachten in de bovenste koamer goan deur de huile piramide hìn, vandoar dat zai luchtschachten nuimd worden. Gain enkel ander Egyptische piramide het zulke schachten.

 

Ain van de meugelke koamers dij de archeologen nog aantreffen zellen kinnen is de zonuimde ''zoal van archieven''.

 

De aanhang veur de theorie van verbörgen koamers bleef bestoan bie de Aroabiern. Zo leut de [[kalief]] [[Al-Mamoen]] om en bie 820 n gat môken om in de piramide op zuik te goan noar verloorn kennes. Ook onder nèjmoodse [[egyptologen]] bestond de drang om op zuik te goan noar verbörgen kennes.

 

De maiste [[farao]]'s wuiren utegd mit aalmoal weerdevolle schatten. In de piramide van Kheops wuir aands weinig tot niks vonden, omdat der al grafrovers op bezuik wèst waren. Noast de piramide wuir aands n zeer goud bewoarde [[zunnebark]] vonden. Dit was de boot woarmit t lichoam van Kheops vervouerd wuir noar zien graf. Wat ook schier om waiten is, is dat der musschain nog n farao in de piramide begroaven was: onder t baauwwaark, tuzzen de grode gaange en de twaide grafkoamer, von man n uuthaauwen ruumte woarin musschain n farao uut n eerdere [[dynastie]] begroaven lag.