'''Oost Gelre''' is eenne [[Gemiente_(bestuur)|gemeente]] in den [[Achterhook]] in de [[previnsie]] [[Gelderland]]. Bi-j de gemeentelijke herindeling van 1 jauari 2005 wodden de gemeentes [[Grolle]] (Groenlo) en [[Lechtenvoorde]] (Lichtenvoorde) bi-j mekare evoegd. Ok de dörpkes [[Mariënvelde]] en [[Zwolle (Oost Gelre)|Zwolle]] wodden in de ni-je gemeente openommen. Mariënvelde, dat ok wal Achterzöwwent wod eneumd, was tot dee tied deel van de gemeente [[Reurle]]. Het dörpken Zwolle was eerder deel van de gemeente Eibergen. Officieel kreeg de gemeente de name "Groenlo" ([[Grolle]]), enuumd noar de enige plaatse met stadsrechten in de gemeente, moar de gemeente zelf neumden zich in 't begin "Groenlo-Lichtenvoorde" ([[Grolle]]-[[Lechtenvoorde]]). Een hierveur ingestelde commissie hef in april 2005 veur-esteld an de [[gemeenteroad]] om de gemeente de name Oost Gelre te geevn. Op 19 mei 2005 beslot de gemeenteroad dat de definitieve name van de gemeente Oost Gelre zol wean. In de Gemeentewet steet dat het dan nog minstens een joar mot duren veurdat de ni-je name ingeet. Vanaf 1 januari 2006 wodden geleidelijk an de ni-je name Oost Gelre in-evoerd. Moar officieel heetten de gemeente toen nog eenga Groenlo. Sinds 19 mei 2006 is Oost Gelre de officiële name veur de gemeente. Het gemeentehuus van Oost Gelre steet in [[Lechtenvoorde]].
