Verskil tüsken versys van "Helge Schneider"
Nieje pagina: '''Helge Schneider''' (1955 in Mölm an de Roer) is nen Duutsenvermaker, jazzmuzikaant, skriewer, film en theaterskriewer en... |
(Geen verskil)
|
Versy up 16:09, 27 okt 2008
Helge Schneider (1955 in Mölm an de Roer) is nen Duutsenvermaker, jazzmuzikaant, skriewer, film en theaterskriewer en akteur. Doarbie bespölt-e verskeaidene instrumeantn, zo as n piano, Hammond-orgel, gitaar, joekelille, drums, trekzak, trompet, en nog n antal mear.
Leawn
Keenderjoarn en jeugnd
Helge Schneider wör in augustus 1955 geboorn in Mölm an de Roer, woer at-e nog aait wont. Zin woarkn zeent nauw verbeundn met zinne geboortestea. Toew at-e nog mear 5 joar oold was, wör zin taleant vuur t pianospöln al dudelik, en op zin 12den begun-e al met cellospöln. In dee joarn leut-e ook al dudelik moarkn wat-e later wean wol; hee wol "Op t podium stoan, clown wean en muziek maakn".
In de beginjoarn van t vuurtgezet oonderwies was-e ne gooe learling. Mear later verlöar-e de interesse, en wör zodöanig "met begrip van beaide kaantn" van skoole steurd en begun ne studie as bouwteekner. Later neumdn hee det as groond vuur zin jeugdig drugsgebroek.
In 1972 begun-e noa n tooloatingstest vuur muzikaal hoogbegaafden an n studie an t konservatorium van Doesborg.