Almere is noen wat 't antal inwoeners angeet de grootste gemeente van [[Flevolaand]] mit zo'n 181.092 inwoeners ([[1 jannewaori]] [[2007]], bron: CBS), en de achtste gemeente van [[Nederlaand]]. Sinds 't voebalseizoen 2005/2006 wonnen der in Almere betaold voebal espeuld deur [[FC Omniworld]]. Almere hef een stejenbaand mit de [[Ghana|Ghanese]] stad [[Kumasi]].
KUTKUKUT
== Geschiedenisse ==
Van oorsprong wanen de [[Iesselmeerpolder]]s veural of zelfs allinnig bedoeld as laandbouwgrond. Nao de [[Tweede Wereldoorlog]] zaggen ze dat de vloggreuiende bevolking van mit name [[Amsterdam]] veur een deel argens aanders zol mutten gaon woenen. Zo bin der twee stejen in de polders [[Oostelijk Flevolaand|Oostelijk]] en [[Zujelijk Flevolaand]] an-eleg. De stad in Oostelijk Flevolaand wönnen [[Lelystad]], de stad in zujelijk Flevolaand wönnen op de eerste schetsen nog ''Zuudweststad'' eneumd, mar kreeg in de jaoren zeuventig de naam ''Almere'', naor de vrog-middeleeuwse naam van de [[Zuderzee|Zujerzee]].
De eerste [[huus|woenigen]] in Almere wönnen in [[1976]] op-eleverd. De stad wönnen to nog drek bestuurd deur 't ''Openbaar Lichaam Zuidelijke IJsselmeerpolders (Z.IJ.P.)'', mit een laanddros an 't heuf. In [[1984]] wönnen de gemeente Almere officieel in-esteld.
Oorspronkelijk was Almere op-ezet as meerkernige stad. Dit beleid is los-eleuten, zodat bieveurbeeld een wiek as ''Tussen de Vaarten'' ebouwd kon wonnen. Oek zie-j tussen de oudste en de niejste woenwieken dudelijk een veraanderd woeningbouwbeleid weerumme: in de jaoren zeuventig was dit erich op nivellering en functionaliteit, in de jaoren negentig kwammen der meer exclusieve en opvallende woeningen (bieveurbeeld in de ''Regenboogbuurt'').
