Verskil tüsken versys van "Bakworst"

Nen '''Bakworst''' is nen worst den at vuural in [[Tweante]] egetn en emaakt wörd. n Volledigen naamn is dan ook '''Tweantsen Bakleawerworst''', mear iederene keant t better bie den kortn naamn. n bakworst besteet vuural oet [[Varken|Voarknsleawer]] en voarknsvleais, en is echtn weenterkost.

 

Bakworst keump nog oet de tied van de hoesslachteriejn, toew at nen ''hoesslachter'' (nen handigen boer of aander vakman) in de weentermoanden bie de boern angung um te slachtn, um zo n poar seant bie te verdeenn. De vrouwe dee dan zelf de wörste dreein. Töt an de [[1960|60er]] joarn wör dit nog edoan, mear toew gungn de boern mear automatiseern en wördn de kuringskostn völs te hoge, en gung t bakworstmaakn oawer op de echte slageriejn. Noa n [[Tweede Wereldoorlog|Tweedn Wearldoorlog]] köm dr ne stoarke vroag noar bakworst. De papiern keunstdoarm vervung n natuurliken voarknsdoarm den at töt dee tied nog gebroekt wör. Töt an dee tied hadn völle Tweantse gemeentes ne eegne Bakleawer-verordening.

In de [[1970|70er]] joarn wör de keunststof doarm oet eveundn. Hierduur bleef de Bakworst lenger good.<ref>http://www.wiggers.nu/historie.html</ref>

 

==Inhoold<ref>http://www.wiggers.nu/productinfo.pdf</ref>==