Van Heekplein
t Hendrik Jan van Heekplein (measttieds Van Heekplein nömd) is n plein in de binnenstad van Eanske. t Plein is as n deal van de noa-kriegse stadsverniejige in t leawn kömmen. t Sentrum van Eanske wörn tiedens de Tweade Wearldkrieg beheurlik an stökken slöagen. Biej de wiederöpbaaw dernoa besprökken de gemeante Eanske nen verkeersoader deur t sentrum, t zo-nömde Boulevardplan. Det plan wörn tusken 1950 and 1960 woarmoakt, woarbiej t Van Heekplein as markt- en weenkelplein an n Boulevard 1945 an-slötten wörn. t Plein dröagt n noame van Hendrik Jan van Heek, en van de groondleggers van n tekstielfebriek Van Heek.
Öp en roond ömme t plein kö'j t weenkelheart van Eanske veenden. Dreks an t plein leagen bint de twea weenkelsentra De Klanderij en Twentec en weenkels as Primark en V&D.
Ölken deensdag en zoaterdag kö'j öp t plein eann van de grötste märkte in Neerlaand veenden.
Dreks önner t plein lög eane van de grötste parkeergarages van Neerlaand, de Van Heek-parkeergarage, woar 1650 auto's stoan könt.