Aauwerk (stad)
Aauwerk (Oostfrais: Auerk, Hoogduuts: Aurich, Nederlaands Leegsaksisch en Westlaauwers Frais: Auwerk) is n stad ien de Duutse dailstoat Leegsaksen, de regio Oostfraislaand. De stad is de heufdploats van t lieknoamege kraaits Aauwerk en telt om en bie 41.000 ienwoners. Aauwerk wordt t ook zain as heufdploats van de haile regio Oostfraislaand.
Sunt 2004 ôf is het Aauwerk toustimmen om twijtoalege ploatsnoambreds te bruken ien t Duuts en t Oostfrais.
De noam
bewarkDe Grunnegse noam Aauwerk kin vertoald worden vanoet t Hoogduuts. t Hoogduutse Aurich bestaait oet twij dailen: au of auwe (ien t Grunnegs oorspronkelk vertoald mit oo, môr deur Hoogduuts ienvlouden is Au veraanderd ien Aauw), wat verwiest noar "woater" en rich (vertoald ien t Grunnegs mit erk of merk; Nijgrunnegs: maark) wat verwiest noar "stee" of "vlak laand". Dij lèste verwiezen komt man ook tegen ien t woord "Hammerk". t Woord Aauwerk of Aurich verwiest dus aigelks noar n "woaterriek stee" of simpel Woaterlaand, wat verkloard worden kin deur de moren dij om Aauwerk hìn lagen.
Aandere olle benoamens dij geven binnen aan Aauwerk binnen: Aurechove (1276), Affrica (1289), Awerkera (1300), Auwerk (1402), Awerke (1413), Auwerick (1415), Aurik (1419), Auwreke (1424) en Auwerck (1426). Ien de eerste noam komt n Oldfrais verschiensel veur dij tegenswoordeg nog aal ien t Grunnegs veurkomt, noamelk t omwizzeln van de -w veur n -v (-ff ien dit gevaal). De noam Aurik zol t dichtst bie n eventuwele Nederlaandse vertoalen kommen. De noam Auwerk komt veur ien t Westlaauwers Frais.
Omgeven
bewarkAauwerk ligt ien n coulissenlaandskop dat kenmaarkt wordt deur saanderge gaistgronden, grotendails ontgonnen veen- en maarsgronden en de Noordzee. Deur de nou binoa lege veengebieden, dij broekt binnen veur törfwinnen, lopt n groot aantel knoalen woaraan klaine veenkelonioale dörpen liggen.
Iendailen van de gemainte
bewarkDoor de grootschalige gemeentelijke herindeling die in 1977 in Duitsland woedde bestaat de gemeente uit 21 stadsdelen (eigenlijk dorpen). Deze hebben alle een deelraad waarin de belangen van het betreffende dorp c.q. stadsdeel worden behartigd.
- Brokzaitel (Brockzetel)
- Diederiksvèld (Dietrichsfeld)
- Aigels (Egels)
- Aikstum (Extum)
- Georgsvèld (Georgsfeld)
- Haakstum (Haxtum)
- Kirkendörp (Kirchdorf)
- Laangevèld (Langefeld)
- Middels
- Poaltsdörp (Pfalzdorf)
- Plaggenbörg (Plaggenburg)
- Poops (Popens)
- Roag (Rahe)
- Saandhorst (Sandhorst)
- Skirum (Schirum)
- Spaikendörp (Spekendorf)
- Tanhoezen (Tannenhausen)
- Waal (Walle)
- Waalhoezen (Wallinghausen)
- Waizen (Wiesens)
- Keernstad Aauwerk