Abidjan

stad in Ivoorküste

Abidjan is de grötste stad in un de ekonomiske höyvdstad van Ivoorküste. Volgens ne volkstelling van 2021 woanden der in Abidjan 6,3 miljoon lüde. Dat is 21,5 procent van et heyle land. Dat maket et de up vyve nå drukstbevolkede stad van Afrika, nå Lagos, Kairo, Kinshasa, Dar es Salaam un Johannesburg.

As kulturääl krüüspunt van Westafrika is Abidjan slim industrialiseerd un verstädelikt. Et is ouk eyne van de drukstbevolkede fransk-spreakende städen van Afrika. Nå den bouw van ne nye kade in 1931 un et anwysen as de höyvdstad van de domålige franske kolony in 1933 groiden de stad rap. Med de afrunding van et Vridikanaal in 1951 kunde Abidjan ne vöärname seyhaven worden. Abidjan bleav de höyvdstad van Ivoorküste nå de unafhangelikheid van Frankryk in 1960. In 1983 wör de stad Yamoussoukro anweasen as de officiäle politike höyvdstad van Ivoorküste.

Toch blivt Abidjan noch altyd de officiäle "ekonomiske höyvdstad" van et land. Et is ja de grötste un bedryvigste stad van et land. Ouk sittet noch vöäle politike instellingen un alle butenlandske ambassades in Abidjan. Et Autonome Distrikt Abidjan, wårunder de stad un wat van syne vöärstäden vallet, is eyne van de 14 distrikten van Ivoorküste.