Aruba

Aruba, officiääl et Land Aruba, is eyne van de landen binnen et Köäningryk Neaderland, in et süden van de Karibiske Sey. Et ligt 29 kilometer up et noorden van et venesolaanske skeereilandParaguaná en 80 kilometer up et noordwesten van Curaçao. In 1986 wör et en selvstandig land binnen et köäningryk un kreag do de formäle name Land Aruba. De höyvdstad is Oranjestad. Officiäle språken sint neaderlandsk (vöär ambtelike saken) un papiamentsk (wat de meyste lüde under mekander spreaket).

Land Aruba (neaderlandsk) Pais Aruba (papiamentsk)
Vlagge van Aruba	Wåpen van Aruba
Ligging van Aruba
Basisgegeavens
Officiele språke	Neaderlandsk Papiamentsk Spaansk Engelsk
Höyvdstad	Oranjestad
Regeringsform	Konstitutionäle monarchy
Godsdeenst	Roumsk-katolik
Geografy en bevolking
Uppervlakde - Water	180 km² -%
Inwoanertal - Dichtheid	106.203 560,4 inw./km²
Koordinaten	12° 30′ N, 69° 58′ W
Oaverige
Volksleed	"Aruba Dushi Tera" (aruba, leev land)
Münteynheid	Arubaansken gülden (AWG)
Tydzone	UTC−4:00
Web | Kode | Tel.	..aw | AW | +297

Aruba hevt ne landuppervlakde van 179 kilometer in et veerkant. Et is 32 by 10 kilometer grout. Med Bonaire en Curaçao der by wördt et eyne van de ABC-eilanden nöömd. Med noch dree behöyrlike eilanden, de SSS-eilanden, förmt Aruba de Neaderlandske Kariben. Anders as andere karibiske landen med en vuchtig tropenklimaat, is Aruba fråi dröyge, med en wööst landskap. Et is der et heyle jår wårm un sünnig.

Med en inwoanertal van 108.166 woant ungeväär eyn-darde van de heyle Neaderlandske Kariben der. Net as de andere dree landen binnen et Köäningryk (Neaderland, Curaçao un Sünt Maarten), hebbet de inwoaners de neaderlandske nationaliteit. Aruba hevt gin ambtelike verdeylingen, mär wal acht streaken.

Geld verdeent Aruba höyvdsakelik an turisme. In 2018 kümmen der 1.082.000 lüde et land besöken. Dat warren vöäral lüde uut de Vereynigde Ståten (73,3%) un Middenamerika (15,2%). Europa was goden darden, med 8,3%. Dårunder warren 40.231 neaderlanders.