Begraafplaatse Bargklooster

De Begraafplaatse Bargklooster (Bergklooster in 't Nederlaands) is een begraafplaatse op de Agnietenbarg in Noordoost-Zwolle die as in 1399 is in-ewi'jd.^[1]

Geschiedenis

Oorspronkelijk maakten dit karkhof diel uut van een kloostercomplex van de Breurs van 't Gemiene Lèven, mar vandage is 't allennig nog een begraafplaatse. 't Kloostercomplex wördden maank 1581 en 1591 of-ebreuken deur 't protestantse gemientebestuur van Zwolle. De oldste grove is die van Jan Mulert (1540), die as oorspronkelijk in de kloosterkarke lag. In 1998 hebt ze de funderingsresten van 't klooster evunden.

Thomas a Kempis

Bi'j de ingaank van de begraafplaatse stiet een monument veur Thomas a Kempis, de schriever van de Naovolging van Christus, die as hier in 1406 bi'j een kloosterörde gunk. 't Is ontworpen deur de architect Pierre Cuypers. 't Monument is een rechtoaverend staonde plaot mit daorop een Keltisch kruus. Hierin bint de symbolen van de vier evangelisten verwarkt.^[2]

Thomas a Kempis lag vrogger ok begraven op Bargklooster, mar zien resten bint nao veul ummezwarvings as reliek terechte komen in de Basiliek van Oeze Lieve Vrouwe ten Hemelopneming in 't centrum van Zwolle.

Graven van bekende Nederlaanders en Zwollenaoren

Johan Mulert

Johan Mulert was de bezitter van de Oaveriesselse havezate Kranenbörg^[3] en de zeun van Lubbert Mulert en Johanna van den Clooster.

Albertus van Naamen van Eemnes

Mr. Albertus van Naamen van Eemnes (Zwolle, 27 febrewaori 1828 - Den Haag, 7 meert 1902) was een Nederlaandse parlementariër. Hi'j was een emaotigd liberale politicus.

Arie Wapenaar

Arie Wapenaar (Vlaardingen, 1883 - 1967) was onderwiezer en schriever.

Flora en fauna

Op de begraafplaatse viej de zeldzame knoflookpadde.^[4] Ok viej hier de grootste gruiplaatse van 't doevekruud in Nederlaand. In augustus 2007 telden ze hier 4.000 bluiende plaanten. 't Totale antal bedreug 11.000.^[5]

Rifferenties

↑ Funeraire Cultuur Zwolle, Sytze de Boer, bladziede 17-25, ISBN 9059110188
↑ Informatiebröd bi'j de ingaank van de begraafplaatse
↑ Hagedoorn, J., Boer de, S., Boukes-Okkels, A., Cornelissen, W., Cremers, J. (2007). Zacht ruste zijn assche. Rapport van de commissie cultuur-historisch waardevolle graven. Zwolle: Rapport in opdracht van de gemiente Zwolle.
↑ Dijk van, G. (2006). Knoflookpad heeft geen graf meer nodig. De Stentor, 28-06-2006. Evunden op 17-11-2007 via dizze verwiezing.
↑ Bremer, P. (2008). Duifkruid gedijt goed op begraafplaats. Floron Nieuws, april 2008, nr. 8, blz. 6

Uutgaonde verwiezing

Commons: Begraafplaatse Bargklooster - platys, filmpys en/of gelüüdsbestanden.

Officiële webstee

Dit stok is echreven in 't Zuudwest-Zuud-Drèents van de Drèents-Oaveriesselse grèensstreek.

[1] Funeraire Cultuur Zwolle, Sytze de Boer, bladziede 17-25, ISBN 9059110188

[2] Informatiebröd bi'j de ingaank van de begraafplaatse

[3] Hagedoorn, J., Boer de, S., Boukes-Okkels, A., Cornelissen, W., Cremers, J. (2007). Zacht ruste zijn assche. Rapport van de commissie cultuur-historisch waardevolle graven. Zwolle: Rapport in opdracht van de gemiente Zwolle.

[4] Dijk van, G. (2006). Knoflookpad heeft geen graf meer nodig. De Stentor, 28-06-2006. Evunden op 17-11-2007 via dizze verwiezing.

[5] Bremer, P. (2008). Duifkruid gedijt goed op begraafplaats. Floron Nieuws, april 2008, nr. 8, blz. 6

[1]

[2]

[3]

[4]

[5]