Bart Veenstra
Bart Veenstra (Gasselt, 4 meert 1921 - Gasselternijveen, 15 oktober 2005), schrieversname van Lambertus Henderikus Hadderingh, was een Drèentstalige schriever.
Veenstra, geboren as Lambertus Henderikus Hadderingh, gebruukte veur de schrieverije de achtername van zien vrouwe, Martha Hadderingh-Veenstra. Hij was een zeune van tummerman en annemer Hendrik Hadderingh en Jentje Duker.[1] Nao 't vurtraken van zien va gunk hij veureerst wieder mit die zien bedrief. Vanof 1956 begunde hij mit de schrieverije. Hij publiceerde in veule genres, waoronder tenielstokken, romans, detectives en kienderboeken. Samen mit onder aandern Jan Kroezenga schreef e aover de geschiedenis van Gasselte.
Mit zien zeune, drs. Henk Hadderingh, schreef e in 1979 't Drents Woordenboek, waorvan in 1988 de vierde drok uutkwaamp. Mit zien vrouwe vörmde hij vanof 1966 de redactie van 't eerste Drèentstalige tiedschrift, Oeze Volk. In 1976 kreeg 't blad de Culturele pries van Drenthe, een pries die Veenstra zölf in 1986 kreeg.
Veenstra had stokkies in de regionaole kraanten staon. In de Drentse en Asser Courant en in 't Nieuwsblad van het Noorden had e de column Drenthe in dizze daogen. Hij warkte mit an verscheiden pergrammes veur de regionaole umroep.
In heur huus op Gasselternijveen, de villa Adams, runden Veenstra en de vrouwe 't scheepvaortmuseum van Gasselternijveen.[2][3]
In 2003 verscheen de dvd "Bart Veenstra: een vrije vogel" in de riege "Schrieverspetret" van de Stichting Drentse Taol. Dit petret wördden deur Albert Haar emeuken.
Bibliografie (keuze) bewark
- 2003 Drentse streekwoorden uutg. Van de Berg, Almere, ISBN 90-5512-175-4
- 2001 Saar Frank: de vergeten onderwijzeres (mit Aafke Huizing)
- 1991 Oet een zulvern bestek: 25 jaor Drenthe in dizze daogen uutg. Krips Repro, Möppelt, ISBN 90-6497-315-6 (eerder verschenen in 't Nieuwsblad van het Noorden van 1966 töt 1991)
- 1985 De man die de moed had: ervaringen van een kankerpatiënt uutg. Krips Repro, Möppelt, ISBN 90-6497-307-5
- 1985 De Gasselter schoolgeschiedenis uutg. Grafiplan, Olde Smilde (mit Jan Kroezenga en Wim Hiddingh)
- 1984 De klant is keuning: jeugd-herinneringen uutg. Krips Repro, Möppelt, ISBN 90-6497-305-9
- 1984 De zwolvies bint er weer : een riegel gedichies veur oonze buitels uutg. Stichting Het Drentse Boek, Zuudwolde, ISBN 90-6509-304-4
- 1984 Door alle tijden: de geschiedenis van de gemeente Gasselte en 50 jaar volksleven 1935-1985 (mit Jan Kroezenga)
- 1981 Schotballen: Drentse humor, bij 'n kanner rieft van de geinige akker uutg. Hummelen, Assen, ISBN 90-6510-023-7
- 1981 Lammegie krieg mij de bril is an: een riegel oet zien beste verhalen uutg. Hummelen, Assen, ISBN 90-6510-052-0
- 1979 Drents woordenboek uutg. Interbook International, Schiedam (4e drok 1988, mit H. Hadderingh en mit gebruuk van de antiekens van Jan Poortman)
- 1976 De zesde man uutg. Mulder, Grunning
- 1974 Zondagsboeren uutg. Westfriesland, Hoorn
- 1974 Oet de kiep: drentse verhalen uutg. Hummelen, Assen
Rifferenties bewark
- ↑ Drenthe Centraal: In memoriam Bart Veenstra
- ↑ In 1913 was Gasselternijveen de vierde zeehaven van 't laand, wat 't antal eregistreerde schepen anbelangt (bron: Encyclopedie Drenthe: Gasselternijveen)
- ↑ Trouw d.d. 16 april 1998: artikel "Was het ms 'Gasselte' maar in Gasselternijveen gestrand"
|
Dit artikel is eschreven in 't Zuudwest-Drèents. |