Beate Plenter

schriefster in 't Drèents en Nederlaands

Beate Plenter (Haolen, 1939 - 2013) was een schriefster in 't Drèents en Nederlaands.

Plenter gruide op in heur geboorteplaatse, 't Drèentse Haolen. Nao jaoren in de Raandstad gunk ze weerumme naor Drenthe. Op meerdere schoelen doceerde ze drama en ummegaankskunde. Nao heur pensionering schreef ze begeleidingsboeken veur onderwiezers en artikels in onderwiesvakbladen.

Mit schriefster Miny Hofsteenge en illustrator Jan van Os gaf Plenter 't kienderboek Marinus Moesie en aandere vertellegies (2000) uut. Vertellegies en gedichten van heur in 't Drèents en Nederlaands wördden openeumen in de bladen Roet en Oeze Volk. Ok schreef ze in de Meppeler Courant. In verscheiden verhalen, en in de roman Gijsbertha's adel (2010), speult de Tweede Wereldoorlog een rolle.

Beate Plenter heur breur, Henk Plenter (1936-2010), was directeur van Museums Vledder. Allebeidend waren ze veurvechter van de Drèentse taal.

Boekerije bewark

  • Marinus Moesie en aandere vertellegies (2000, Raol, mit Miny Hofsteenge; illustreerd deur Jan van Os)
  • Hooghalen, dorp van mijn jeugd (2007, Klencke Pers, Emmen)
  • Gijsbertha's adel (2010, Boekscout.nl, Soest, Nederlaandstalige roman)

Bronnen bewark

  • Huus van de Taol aover Beate Plenter (eraodpleegd op 21 febrewaori 2022)
  • Rouke Broersma (red.) (2003), Scheupers van de taol: Bloemlezing van de Drèentse Schrieverij 1837-2003, Zuudwolde: Stichting Het Drentse Boek (blz. 212-3)
  Dit artikel is eschreven in 't Zuudwest-Drèents.