Belegeringe

Ne belegeringe (ok wal: beleg) is ne wieze van et anvallen van ne stad of veste um dizze te veroaveren, deur middel van totale oetputting. Ne belegeringe begon meestentieds as de stad zich neet wol oavergeven, en de anvallende parti-je de stad neet frontaal kon of wol anvallen. Wat zee dan doot is het kompleet umsingelen van de stad um de beveurroading af te snieden. Ze vangt dan an met de stad te bombarderen, loopgraven of tunnels te gebruken om dichter bie de stad kommen, de muren undermienen en belegeringsmachinen gebruken um oaver de muren hen te klimmen. Ne belegeringe kan onmundig lange duren as d'r genoog te etten en te drinken is in de stad, zodat et mangs krek zo lange duurt as dat de leu letterlek verhongert, mangs langer.

Ne belegeringe kan veer meugeleke oetkomsten hebben:

De verdedigende leu hold et oet in de stad, zonder hölp van boetenaf. Zee hebt stand eholden.
De verdedigende leu oaverwint met hölp van boetenaf, wat ontzet wöd eneumd.
De anvallende partie nemt de stad in, moar de leu oet de stad wet te ontkommen. Dan is de stad evakueerd.
De anvallende parti-je oaverwunt en nömp de stad in en grip alle leu der inne, dan neumt ze de stad evollen.

Veurbeelden van belegeringen

Beleg van Grol (1627)