Benrather linie

De Benrather linie is n dialektscheidingsliende (isoglosse) in t Duutse taalgebied, die de noordgrens van t Middelduuts en de zuudgrens van t Nederduuts vormp. Hierveur is de maken/machen-liende ekeuzen. Disse liende scheit de Hoogduutse variëteiten die de veraandering van k in ch nao oorspronkelik lange klinkers deuremaakt hebben, van de Nederduutse variëteiten waorveur dat niet geldt.

De Benrather linie (rood) scheit t Nederduuts van t Hoogduuts. De Spierse linie scheit Middel- en Opperduuts (raoze).

De Benrather linie wördden in 1877 zo eneumd deur Georg Wenker. De naam verwis naor t darpjen Benrath (tegenswoordig n deel van Dusseldarp), waor de liende de Rijn overstik.

Globaal verlöp de Benrather linie as volgt: Aken - Düsseldarp-Benrath - Olpe - Frankenbarg (Eder) - Kassel - Noordhuzen - Aschersleben - Dessau - Jüterbog - Frankfort (Oder); Berlien wördt nog gedeeltelik tot t Middelduuts erekend. Ten noorden van de liende liggen de zogenaamde Nederduutse variëteiten, ten zujen de Middelduutse (die deel uutmaken van t Hoogduuts).

Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.