Benthemer zaandstien

Benthemer zaandstien is een zuvere, aordig stevige soorte zaandstien mit een geliekmaotige structuur, die aj veur veul doelen gebruken kunt. De stien hef eerst een licht geelbroene kleur, die deur verwering almar donkerder wördt. Benthemer zaandstien wint ze in stiengroeves in de Duutse Graofschop Benthem. In Benthem stund 't wal bekend as 't Benthemer gold. Veul Benthemer zaandstien is aover de Vechte naor Nederlaand vervoerd. Ok bint haoste alle laatmiddelieuwse karken in Twente en Westfalen opetrökken uut dizze stiensoorte, beveurbield de Sunte-Plechelmusbasiliek in Oldnzel.

Benthemer zaandstien

De Heergod van Benthem, een bieldhouwwark uut de tiende of elfde ieuw, van Benthemer zaandstien emeuken. 't Is de oldste anwiezing van 't christendom in noordelijk Duutslaand

Dit artikel is eschreven in 't Zuudwest-Drèents.