Bertus van den Bremen

Lambertus (Bertus) van den Bremen (Tongeren, 21 juni 1915 - Dèventer, 8 febrewaori 2008) was een dichter in 't Oost-Veluws.

Van den Bremen wördden geboren op 't spil West-Raven körtbij de buurtschop Tongeren, in de Gelderse gemiente Epe. Hij kwaamp te warken bij de plietsie en later bij de kienderbescharming.

Hij trouwde mit Aaltje van Vemde, die onder de name Alve stokkies veur de kraante en verhalen in 't Veluws schreef. Mit heur stelde hij 't Woordenboek van het dialect van Epe samen, det in 1982 uutebracht wördden in samenwarking mit Hendrik Entjes van 't Nedersaksisch Instituut.

Op latere leeftied begunde Van den Bremen te dichten. Gedichten van hum stunden in bundels as 't Witte peerd. Verhalen en gedichten in dialect uut Oostnederland (Rabeling, 1984).

As 'Um en Umme' trad hij mit de vrouwe op mit een streektaalprogramma veur verienings in de umstreken. Gedichten van hum en verhalen van Alve wördden ebundeld in Um en umme. Verhalen en Gedichten in het Oostveluws dialekt (Coöperatie van den Bremen, 1985) en Over en Weer (1989, ter gelegenheid van heur vieftigjaorig huwelijk).

Wat uut zien wark

Onrös

As ik allenig bin dan bink gien ene,
ik mudde mensen um mien heer.
En as ze bie mien bint ekomen,
denk ik umslieks:
"Goat noe mä weer".

Uut: 't Witte peerd

Bronnen

• Henk Bloemhoff, Jurjen van der Kooi, Hermann Niebaum en Siemon Reker (red.) (2008), Handboek Nedersaksische Taal- en Letterkunde, Assen: Van Gorcum
• Hans Keuper, Hermen Bomhof, Ton Kolkman en Herman Oltvoort (red.) (1984), 't Witte peerd. Verhalen en gedichten in dialect uut Oostnederland, Doesburg: Uitgeverij Rabeling