Betlum
Betlum (Aroabisch: بيت لحم (Biet Lachem, "vlaiskhoes"), Hibbrais בית לחם, (Beit Lechem, "stoethoes", Nederlaands: Betlehem) is n Pallestainse stad op Westelke Jordoanbaank. Onder Oslo Akkoorden het Isrel Betlum ien 1996 aan Pallestainse Autoriteit overdroagen doan. Betlum ligt sikkom 10 kilometer aan zuudkaant van Jeruzalum en 765 meter boven zeenivo (30 meter hoger as Jeruzalum).
Betlum wordt voak zain as t boortestee van Jezus Kristus. Op stee woar't man van maint dat t de boortestee is het man de boortekìrk baauwd. Aarcheoloog Aviram Oshri maint anders dat Jezus n poar kilometer wieder boren is, noamelk in n lutje loug van 800 ienwoner dat ook Betlum hait. Dit ligt nog gain 7 kilometer van Nazaret ôf dus t is logischer dat dit t stee was woar of Jezus boren is. Der is anders nog gain goud bewies, den t onderzuik van de aarcheoloog ligt stil om gèldrezens. Ook de biebel sprekt dizze oetsproak tegen.