Billie Eilish

Billie Eilish Pirate Baird O'Connell (18. december, 2001) is ne sangeresse en leedkesskryvster uut de Vereynigde Ståten. Öären internationalen döärbraak küm in 2015, med den uutkumst van öären debuutsingel "Ocean Eyes". Oären bröder Finneas O'Connell skreav et nummer. See tredt regelmåtig med em up en see skryvet de nummers samen. An öär eyrste lange uutgave "Don't Smile at Me" (2017) verdeenden see good. Et haalden de top 15 in de VS, et Vereynigd Köäningryk, Kanada en Australie.

Billie Eilish tredt up in Corona Capital in 2019.

Eilish syn eyrste studioalbum, When We All Fall Asleep, Where Do We Go? (2019), küm houge binnen up de amerikaanske Billboard 200 en makeden et töt de eyrste steade in et VK. Et was eyne van de bestverkochte albums van 2019 med dank an vöärnamelik den vyvden singel der van, Bad Guy. In 2020 skreav en makeden see et intronummer No Time to Die vöär den James Bond-film med denselvden name, wat ouk weader boavenan in de britske hitlysten stünd. Öäre singels Everything I Wanted, My Future, Therefore I Am en Your Power haalden allemåle de top 10 in de VS en et VK. Öär album Happier Than Ever (2021) wör in 25 landen nummer 1.

Vöär öär wark wün Eilish al verskeidene underskeidingen, sou as söäven Grammy's, twey American Music Awards, eyn Guinnes Wearldrekord, dree MTV Video Music Awards en twey Brit Awards. See is de jungste artiste in de geskedenisse van de Grammy's en den tweyden ooit den as et lükkeden alle veer de algemeyne kategorien te winnen: Beste Nye Artiste, Upname van et Jår, Leed van et jår en Album van et jår, allens in etselvde jår. In 2019 wör see nöömd in Time Magazine's Time 100 Next-lyste. In 2021 stünd se in de Time 100-lyste. Volgens de RIAA en Billboard is Eilish de up 25 nå hougst-noteerde singelsartiste en eyne van de meyst suksesvulle artisten van de jåren 2010 töt 2020.

Leavensloup

Billie Eilish Pirate Baird O'Connell is geboaren up den 18. december van 2001, in de wyke Highland Park van de stad Los Angeles in de Vereanigde Ståten. See is ne dochter van aktrice en leyraresse Maggie Baird en aktöör Patrick O'Connell. Öäre olden sint ouk musikanten en warket ouk med an Eilish syne tochten. See is et resultåt van künstmåtige bevrüchting. Öäre middelname, Eilish, was oorsprunglik bedoold as öäre vöärname en Pirate as middelname.

Eilish en syn bröder Finneas kreagen huusunderwys van Baird. Dat wolden de olden gaerne üm meyr tyd med öäre kinder döär te brengen en se de vryheid te beden üm öäre interesses nå te volgen. Van Baird leyrden Eilish en Finneas ouk de beginselen van leedkesskryven. Eilish segt selv dat see et idee üm de musik in te gån van öär bröder en moder kümt. De olden löäten de süsken allens undersöken wat se wolden, sou as künst, dans en akteren. Med ses jår leyrden Eilish ukelele spöälen. Med acht jår deade Eilish med an nen talentenjacht en güng see by et Kinderkoor van Los Angeles. Med 11 jår skreav Eilish syn eyrste nummer, vöär syn moder syn leedkesskryverslessen. Et nummer güng oaver ne zombie-oordeylsdag. Et idee kreag see van de televisyryge The Walking Dead, wåras see uutspråken en afleyveringstitels nöäm en up musik satten as deyl van den updracht. Eilish hevt verskeidene målen vöärespöäld by akteerauditys, mär dår vünd see weinig an. Wat see wal mooi vünd was achtergrundgesprekken by scenes med gröätere grupen lüde. See hevt medewarked an de films Diary of a Wimpy Kid, Ramona and Beezus en de tv-ryge X-Men.

Artistiken styl

Eilish hevt ne sopraan-sangstemme, dee döär wat kenners as "heamelsk" of "flüsterachtig" wördt umskreaven en döär anderen as "heys en sleapend". See kan ouk mangs nen snarpenden uuthaal maken. Musikkritikus Robert Christgau meynet dat Eilish musikaal en commercieel eseen popmusik maket. Hee vindt öären sopraan "te klein vöär vokale flantüten".

Musikale invloden sint under meyr De Beatles, Justin Bieber, Green Day, Arctic Monkeys, Linkin Park en Lana Del Rey. Eilish seade selv dat et nummer "Runaway" van Aurora öär der to dreav de musik in te gån. Undanks disse invloden is hiphop öär favorite musikstyl. Andere groute invloden sint volgens Eilish eweasd: Tyler, the Creator, Childish Gambino, en Avril Lavigne. Andere vöärname invloden sint under meyr Amy Winehouse, The Spice Girls, Lorde, Britney Spears, Taylor Swift en Nicki Minaj.

Wat verskyning angeyt valt Eilish up döär meystal wat slubberige kleyder an te trekken. In eyn interview seade see dat se dat düt üm neet up öär lyv beoordeyld te worden, in en ander interview seade see dat se anders as anderen wil weasen.