De boekspieker is n soort piercing, gebroekeleker bi-j vrouwleu als bi-j mansleu, woarbi-j de hoed rondum den navvel deurboord wödt en veurzeen van n sieroad. Afhankelek van hoovölle hoed dr deurboord mot wodden kan de piercing vlot genaezen, zoas bi-j n oorpiercing, of t genös meer as n oppervlakte piercing, met meer risico op afstötting deur het lichaam en ne langere genaezingstied. t Genaezingsproces van de piercing kan zwoarder emaakt wodden deur irritatie en skaa vereurzaakt deur klaere, veural deur boksebanden of strakke klaere, of deur de plaatse van de piercing ten opzichte van de taille.

Veurbeeld van ne boekspieker

In de meeste gevallen wödt neet echt den navvel deurboord, moar de hoed boaven den navvel.

Sieröä bewark

De meeste soorten staaf- of ringsieröä könt as boekspieker edragen wodden, al wödt r meestal n ringesken eplaatst totdat de piercing helemoal genezen is. Dr is ne grote hoeveelheid sieröä beskikboar veur den navvel, meestieds met kostboare sieröä of steentjes.

Gescheedenisse en kultuur bewark

De boekspieker is nen hedendaagsen vorm van piercing, dr bunt gin bewieze dat in de gescheedenisse navvels epiercet wodden. Dr bunt echter wal bewieze dat navvels versierd wodden, veur rituele en ok veur esthetische doelenden.