Boerengolf

Boerengolf is ne spölse oetvoering van den klassieken golfsport.

Boerengolf spöllen in de weide.

Naamn

Andere namen veur boerengolf, mangs met iets andere spölregels, bunt klompgolf, boerenklompgolf, plattelandsgolf, boerderijgolf of agrogolf. Den name "Boerengolf®" is op 14 juni 2007 registreerd as Europees woordmark deur t bedrief Farmersgolf Int. Doarumme wodt de andere naamn gebroekt door de meeste andere aanbeders van t spel. Et spel wöd op meer as 350 lokaties in Nederland espöld, meest boerderi-jen.

Spölruumte

Den green is gin vlak grösveld moar besteet meesttieds oet een of meerdere weiden. Den klub is ne holten stelle met nen massieven klomp van zo'n achttien centimeter der-an vast-emaakt. Den hole is nen in-egraven emmer met doarbi'j ne vlagge met n nummer. Den spölbal is umsgeveer 16 cm in deursnae. Bezundere klaere bunt neet neudeg, stiefel of olde skone um met deur et weiland te lopen is genog. Et spel wödt normalerwieze veur de gemeudelekheid espöld, moar der besteet ok n kampioenskap.

Nederland

Noar eigen zeggen is et spel oet-evonden in 1991 deur Peter Weenink oet Leeuweld, anderen zegt dat et al sunds de joaren zesteg in den Achterhook besteet. Boerengolf wöd vake spölt deur toeristen of bi-j n bedriefsoetstäpken, bi-j n bezeuk an ne (kamping)-boerderi-je woar t spel an-eboaden wöd. In 2004 wodden veur t eerst n "Open Nederlands Kampioenskap Boerengolf" organiseerd in Leeuweld. In België wöd t spel espöld suns 2003, en ok in Duutslaand en Oostenriek hef et zienen intree emaakt.