Dörpsbreenk

n Breenk is n los stök laand in n dorp öp de zaandgreunde van Neerlaand en doarboetn. Noe-an-n-dag bint völle breenke öm-vörmd tot pliene in n dorp, det mangs besteet oet gras en beume.

Dörpsbreenk van Orvelte woaroawer steann lean bint.

De Brink in Sint-Anthonis.

Öntwikkelige

n Breenk is van eurspröng de broeksploatse van boern woar t vea verzammeld wörn, öm van doar as kudde noar de gemeanskoplike weaiegreunde te goan. n Breenk lea dan ok aajt an n raand van t dorp (vergeliek t me't Engelse brink = raand). D'r bint zoowa gemeanskoplike breenke as breenke dee alleannig biej eane boerderiej hörn. In n nieje tied wörn d'r mear hoeze baawd reund n breenk woardeur de breenke steads manger in de dörpe lea. Öp völle breenke leg d'r teagnweurdig stean in ploatse van gras en wör n breenk mangs as dörpsplien met vea- en geudrenmärkte broekt.

Dörpe met nen breenk wört ok wa breenkdörpe nöamd.

Regionoale nöame

Regionoal hef t fenomeen van n breenk verskilnde nöame. n Term breenk zölf wör broekt in Dreante, Oaweriessel, Gellerlaand en Noord-Hollaand, tarwiel in Noord-Broabant zee earder plaetse öf heuvel zegt.

Mythevörmige

In t reseante verleadn deankn zee det mangn nen breenk in de vreuge Mirrejoarhönnerdn an-legd was. Doarömme kriegn zee ok wa n noam Frankiesn Dreahook, nöamd noar t völk det toon deile van Zuud-Neerland bevölkn. Veura arkeologies önnerzook hef oetweasn det völle breenke nich older bint as de loate Mirrejoarhönnerdn öf zölfs n niejn tied. In t val van de Frankiese Dreahook is dös historiese mythevörmige te veendn. In de vreuge Mirrejoarhönnerdn lean de pläkke met öare boernbroekploatsn ok öp ne oare lokoasie in t laandskop.

Zee ok

Dörpsbreenk van Dwingel met n meziekkoopel en de olde dobbe "de Riete".

• Meent