Costa del Sol
De Costa del Sol (Grunnegs: Kost van de Zun) is n regio ien t zuden van Spanje, ien de autonome gemainschop Andaluzie, omvattend de koststeden en kostgemaintes aan de Mediterroane kostlien van de pervìnzie Málaga en t oosterlieke paart van de pervìnzie Cádiz. Vrouger beston t enkeld oet n poar lutke, tumege viskersplakken, môr de regio het hailmoal transformeerd worden tiedens de twijde haalve van de 20. aiw ien n populere, wereldvernuimde toeristische bestemmen, mit n binoa aanainsloten verstedeleken van hoogsteden en badplakken rinnend bie de haile laange van de kostlien laangs.
t Omvat de stad Málaga en de steden Torremolinos, Benalmádena, Fuengirola, Mijas, Marbella, Puerto Banús, San Pedro de Alcántara, Vélez-Málaga, Nerja, Torrox, Estepona, San Luis de Sabinillas, de gemaintes Sotogrande, San Roque en La Línea de la Concepción.
De eerste minselke bewonen ien de regio stamt oet de Bronstied. Loater het t keloniseerd worden en onder heerschoppij wèst van verschaaidene kulturen lieks as de Feniciers, Karthagioanen, Reumers, Vandoalen, Visigoten and Moren, veur de Reconquista, de herkirstenen van Spanje en Portegaal.
Historischerwies leefde de bevolken ien de viskerslougen en ien de "witte" lougen dij n ìndje t binnenlaand ienlagen, ien de baargen dij boven de kost liggen. t Gebied wör ontdekt en ontwikkeld om aan de eisen te voldoun van internasjonoal toerisme ien de joaren '50 van 20. aiw en het sunt den n populeer stee wèst worden veur boetenlaandse toeristen. Nait allend veur de stranden môr ook veur de lokoale kultuur. t Gebied is spesjoalerwies vernuimd veur zien steden lieks as Marbella, dij de Costa del Sol zien imago bezörgd het as bezuikstee veur de bovenklas en vernuimde luu.
Ien de körtledene joaren het de Costa Del Sol n bekinde golflokoatsie worden, woaraan e de bienoam Costa Del Golf kregen het. t Aantel kwaliteits golfveurzainens, dij veuraal om en bie Marbella legen binnen, ligt om en bie de 50. De Costa del Sol het, danks deur t hoge aantel golfers van over haile wereld, stimuloatsie had ien t toerisme en en aantel akkomodoatsies ien t gebied.
De Costa del Sol is staark urbaniseerd, mit n wiede baand van grode gebaauwen dij bienoa bie de haile kost laangs rinnen. Aarchitektuurstijlen binnen n mengen van of lege witsmeren villas en hoge apaartmìntblokken ien de toeristische gebieden. In tieds dat n hail ìnde villas en aander löswoonderij binnen ontworpen en baauwd ien de lokoale Andalusische stijl, mit de bedoulen om de woonblokken ien haarmonie te lôten mit de natuurliekse omgeven.
Boetende hìnwiezen
bewark
| Kosten van Spanje |  | ||||||||
|---|---|---|---|---|---|---|---|---|---|
|