Dagblad van het Noorden

't Dagblad van het Noorden is een dagblad det uutkump in de pervincies Grunning en Drenthe. De heufdredactie is te vienden in Stad en de uutgever is NDC Mediagroup, die ok de Leeuwarder Courant en sinds 2013 't Friesch Dagblad uutgef.

Redactiegebouw van 't Dagblad van het Noorden in Assen

Geschiedenis

De kraante ontstund deur 't samengaon van 't Nieuwsblad van het Noorden (bij veul lezers bekend as 't Neisblad), 't Groninger Dagblad en de Drentse Courant en was 't gevolg van de rap dalende oplaoge van 't Neisblad. De neie kraante kwaamp veur 't eerst uut op 2 april 2002 en wördt 's mörgens bezörgd, wat wat neis was veur de lezers van 't vroggere Neisblad. Sinds 1 april 2010 hef 't Dagblad op wörteldagen een tabloidformaot, en sinds april 2013 op zaoterdagen ok.

Sinds 2014 hebt 't Dagblad van het Noorden en de Leeuwarder Courant iene heufdredactie, mit as heufdredacteur Evert van Dijk. De heufdredacteur veur 't Dagblad van het Noorden is Erik Wijnholds. Hiermit bint de beide redacties veur de heufdkaternen bij mekare escheuven en kuj de stokken aover binnenlaand, butenlaand, media en economie in beide kraanten vienden.

Regionaole edities

Redactie van 't Dagblad van het Noorden in Emmen

't Dagblad van het Noorden verschient op wörteldagen in twee of drei edities, 's weekends vier. 't Dagense regiokatern en 't maandagse sportkatern verschilt daorbij van de rest van de kraante. Der bint edities veur Noord-Grunning, Oost-Grunning, West-Drenthe en Zuud-Drenthe.

Oplaoge

Krek as bij de mieste kraanten, is de oplaoge van 't Dagblad de leste jaoren umdale egaone. Tussen 2002 en 2015 verleur de kraante 47% van zien abonnees. Ten opzichte van peiljaor 1996, toen der nog drei kraanten waren, is de oplaoge mit 60% edaald.

Uutgaonde verwiezingen

• Webstee van 't Dagblad van het Noorden

Rifferenties

Commons: Dagblad van het Noorden - plaatjes, filmkes en/of gelüüdsbestanden.

Dit stok is eschreven in 't Zuudwest-Drèents.