De Literaire Hemel
De Literaire Hemel is een in 2001 operichte stichting die as doel hef meertalige literaire activiteiten te bevördern. In de periode oktober töt mei holdt de stichting zeuven bijienkomsten in kefee De Amer in Aomen, körtbij Assen in de pervincie Drenthe.
Oner de name 'De Literaire Hemel' wördt alle tweede vrijdagaovends van de maond andacht besteed an Nedersaksische en Nederlaandse literatuur. Der bint vraoggesprekken mit schrievers aover heur wark, schrievers leest veur en nao ofloop signeert ze.
In de rubriek 'Hemel of Hel' wördt herinneringen opehaald an een wegeraakte schriever. In 't boekenrek is 't wark van de schrievers te kriegen. Der wördt instrumentale live-meziek espeuld op de bijienkomsten.
Per 1 jannewaori 2016 bestiet 't bestuur uut:
- Jan Harbers (veurzitter)
- Jolet Dingen-de Vries (sikketaoris)
- Joep Brinkman (penningmeister)
- Nicolette Leenstra (lid van 't bestuur)
- Annette Timmer (lid van 't bestuur)
Programmamaker Albert Haar gef advies an 't bestuur.
Uutgaonde verwiezing
bewark
|
Dit stok is eschreven in 't Zuudwest-Drèents. |