De Rivier n Deenkel begeent in de Duutse deelstoat Noordrien-Westfaaln, tusken Koesveeld en Oahoes. Bie Losker in Tweante keump n Deenkel Neerlaand binn. Bie Deanekaamp geet'e Neerlaand wier oet, en löp oet in de Vechte bie Niejnhoes, den at Neerlaand wier binn keump bie de Haandrik as de Oaweriesselse Vechte.

n Deenkel bie Losker

In Duutslaand hebt ze n Deenkel stoark recht etrökn tusken 1970 en 1980. t Eerste gedeelte binn Neerlaand hef zin oolde gaank beheuldn laanks t Lutterzaand. Wieterop is'e an epast um inzieging vuur waterwinning makkeliker te maakn. Bie Harseveeld op t noordwestn van Deanekaamp, steet t Skoevnhuuske, det n Deenkel oonder t kanaal Almelo-Nordhorn duurvoort. Zes emesselde kokkers met stoalne skoewn bepoalt hier wovöl water at dr in t kanaal keump.

n Deenkel wörd eneumd in de eerste regel van t Tweantse Volksleed: Dr ligt tusken Regge en Deenkel een laand....

Leankte en stroomgebeedBewarken

n Deenkel is umdebie 93 km laank. Doarvan lignt:

  • 38 km in t Duutse NoordRijn-Westfoaln.
  • 46 km in Tweante.
  • 9 km in de Duutse deelstoat Neersasn

ZiedwaternBewarken

  • Glanerbekke
  • Snoeyinksbekke
  • Bethlehemschebekke
  • Gelle bekke
  • Peuntbekke
  • Goorbach / Rühenbergerbekke