Dick Schlüter

Dick Schlüter (Almelo, 1956) is vuurmoalig dichter van de proveensie Oaweriessel en hudigen stadsdichter van Eanske. Earder was he geskiedkeundigen, dichter, verteller, journalist bie De Tubantia, metwoarker an de Universiteat Tweante in Eanske, vanof 2003 direkteur bie t Natuurhistorisch Museum Natura Docet, en van 2008 tot 2010 direkteur van t Airborne Museum in Oosterbekke.

Schlüter studeern Geskiedenis an de Universiteat van Utrecht. Seend n 28sten jannuwoari 2011 is hee proveensiedichter. Hee skrif beaide in t Hollaands en in t Tweants.

Persoonlik

Schlüter wont saamn, seend 1990 in Eanske. Hee hef twee dochters.

Vuurbeeld

Hieroonder vuurbeeldgedichte van Schlüter:

mKZ-crisis

Zwartboontn, roodboontn,
laaknvelder of bloarköppe,
almoal hebt ze zukke mooie oogn.
Wierig in de weai, stevige titn,
ne rappe tong.
Leve, anhalige beeste
zoonder heurne op n kop,
vort-estopt achter peuntdroad
of in nen grootn barak.

Nummers in de oorn,
mangs wa 200 beeste biej mekaar.
Marietje, Maartje, Mina, Berta, Klara
mosn dood in 2001.
Beeste en kalver.
Almoal hadn ze ginne spuit ehad,
greep nen grieper eur biej t gat
noadat ze ne pinne
in de harsns hadn ehad.

De weend

Gistern streek miej de weend,
fluustern met miej met
en gaf n zetke in de rug.

Efkes,
heel efkes,
veuln ik miej nich alleen.

Vandage gung ik noar boetn,
stak nen natn vinger
hoog in de loch
en vreug: 'Woar blief iej noe?'

Oetgawes

Publikasies

• `V.S. Naipaul en Joseph Conrad’, in: Streven. Cultureel Maatschappelijk Maandblad, Antwaarpen (augustus/september 1983), p. 12-21.
• `Op het erf van een eigenheimer’, in: Verhalen uit het Oosten, Michon, Bussum (1986), p. 42-46.
• `Duivelbanner: een `verdwenen’ beroep’, in: Jaarboek Twente 1990, Stichting Jaarboek voor Twente/Van Deinse Instituut, Eanske, p. 35-41.
• `Duizend jaar Twente, de Twentenaren en hun ziel en zaligheid’, in: Ach lieve tijd, Uitgeverij Waanders, Zwolle (1993).
• `Duizend jaar Twente, de Twentenaren en hun bestuur en rechtspraak’, in: Ach lieve tijd, Uitgeverij Waanders, Zwolle (1993).
• `Heks betoverde kind met rammelaar’, in: Jaarboek Twente 1994, Stichting Jaarboek voor Twente/Van Deinse Instituut, Eanske, p. 54-56.
• `Zin en onzin over Twentse eigen-aardigheden’, in; Jaarboek Twente 2000, Stichting Jaarboek voor Twente/Van Deinse Instituut, Eanske, p. 47-54.
• `Jonker Sweder Schele: ooggetuige van twee oorloge’ (saamn met mr. A de Bakker en J. Grootenboer) in; 1568-1648, Westmünsterland Quellen und Studien, Band 10, Landeskundliches Institut Westmünsterland, Vreedn (2002).
• `Neanderthalers in Overijssel’, in: Overijsselse Historische Bijdragen, 118e stuk, Zwolle (2003).
• ‘In 1813 kwamen de bevrijders uit het Oosten’, in; Jaarboek Twente 2010, Uitgeverij TwentseWelle, Eanske, p. 135-140.
• Verskeaidene ärtikels in Heemkundeblaadn, de Twentsche Courant/Tubantia en t wekblad De Roskam oawer oeteenloopnde oonderwaarpen.

Leazings

• Seend 1990 gef he leazings in Oaweriessel en Geelderlaand oawer oonderwaarpen in de ooldheaidkeunde, oost-Neerlaandse kultuurgeskiedenisse en paleontologie. Op enömn ewördn in de proveensjale sprekkerslieste van Oaweriessel en Geelderlaand.

Dichtbeundels

• `Buiten zinnen’, as lösse instek in t blad `Gist’, Almelo (1985)
• `Glip in de kop’, De Oare útjouwerij, Eanske (1994)
• `Bazelen’, De Oare útjouwerij, Eanske (1996)