Djibuti

(döärstüürd vanaf "Djibouti")

Djibuti (arabisk: جمهورية جيبوتي; fransk: République de Djibouti) is en land in et ousten van Afrika. De höyvdstad van et land is de gelyknamige stad Djibuti.

République de Djibouti
جمهورية جيبوتي
Jumhouriyya Djibouti
Vlagge van Djibuti
Vlagge van Djibuti
Wåpen van Djibuti
Wåpen van Djibuti
Ligging van Djibuti
Ligging van Djibuti
Basisgegeavens
Officiele språke arabisk, somalisk,
afar (erkend as nationale språke) en fransk
Höyvdstad Djibuti
Regeringsform republik
Godsdeenst islam 94%
Geografy en bevolking
Uppervlakde
- Water
Totaol: 23.200 km² km²
20 km²%
Inwoanertal
- Dichtheid
921,804 (2020)
37 inw./km²
Koordinaten 11° 30′ N, 43° 0′ O

Koördinaoten: 12° N, 43° O

Oaverige
Volksleed Hinjinne u sara kaca
Münteynheid djibutiaanske frank (DJF)
Tydzone UTC+3 (EAT)
Nationale feystdag 27 juni
Web | Kode | Tel. .dj | DJI | 253

Geskydenisse bewark

Djibuti kent en lange geskydenisse. De olde egyptenaren handelden mid de minsken van Punt wat nå alle gedachten et teagenswoordigde Eritrea, Djibuti en et noorden van Somalie beslög. Nå dee tyd kwammen de arabyren, dee tot de dag van vandage noch en groute invlööd hebben.

In de 19e eyw stichteden Frankryk en protektoraat in et gebeed, dat de name Fransk Somaliland kreag. In 1967 wördden disse name ewysigd in Afar- en Issaland (Territoire français des Afars et Issas) dat in 1977 selvstandigheid kreag under de name Djibuti.

En vreadesakkoord üüt 2001 makeden en ende an en teen jår dürende upstand döär afar-rebellen.

Geografy bewark

 
Et Assalmear

Djibuti ligt in et noordousten van Afrika an de Golve van Aden an et begin van de südelike ingang van de Roude Sey. De küststroak van Djibuti is 113 km lang, de grens mid Eritrea 109 km, mid Etiopie 349 km en mid Somalie 58 km.

Et land besteyt groutendeyls üüt steynige wööstden, mid verspreide vlakten en houglanden. Et land besteyt vöär 90% üüt wööstden en hevt geen permanente rivyren, vöärnamelik soltmearen dee deyl üütmaken van et wööstdelandskap.

Et laegste punt van et land is et Assalmear, en kratermear mid en soltgehalte van 35%, dat mid -155 meter tegelyk et laegste punt van heel Afrika is. De barg Musa Ali is mid 2028 meter et hougste punt.

Demografy bewark

De bevolking van Djibuti besteyt üüt twey etniske gruppen, namelik de afar dee souwat 35% van de bevolking formen en de somaliers (vöäral de issa-klan) wårvan de somaliers de meyrderheid formen mid sou'n 65-70%. Vearder wunnen der noch wat europeanen (vöäral fransken en italianen), arabyren en etiopiers.

De officiele språken binnen fransk en arabisk. De meyste inwunners spreaken somalisk en afar.

Religy bewark

Souwat de geheyle bevolking is muslim, en land hevt en klein percentagy christenen.