Drent(h)e (tiedschrift)
Drente (vanof 1948: Drenthe) was een Drèents cultureel tiedschrift det van 1929 töt 1997 uutkwaamp. Der stunden zowal Drèentstalige as Nederlaandstalige stokken in.
't Tiedschrift wördden opezet deur de uutgever H.J. Prakke en de archeoloog A.E. van Giffen. Dizze leste maakte hum zörgen aover 't voortbestaon van de Nieuwe Drentsche Volksalmanak, waorop Prakke 't opzetten van een maondblad in 't zin kreeg. De eerste heufdredacteur van Drente was H.A. Poelman, die bedong det de name zunder h espeld wördden. 't Blad, det um de grune umslag bekend kwaamp te staon as 't Greuntien, wördden uutegeven deur Prakke zien uutgeverije Van Gorcum.
Drent(h)e was op verschillende tieden 't orgaan van de Drentsche Praehistorische Vereeniging, de Drentsche Vereeniging te Amsterdam, 't Provinciaal Museum van Oudheden en Geschiedkundige Voorwerpen in Drenthe, de Provinciale Vereeniging ter Bevordering van het Vreemdelingenverkeer in Drenthe en Het Drents Genootschap. 't Blad was in de eerste jaorgangen een spiegel van 't opbluiende Drèentse verieningsleven. Naost cultureel neis vunden ie der literaire stokken, beschouwings, boekankondigings en besprekings in. Op 't leste wördden der pogings töt modernisering onderneumen en had 't blad nog een steugien de titel Drenthe Totaal.
Bronnen
bewark
|
Dit artikel is eschreven in 't Zuudwest-Drèents. |