Effektpedaal
Een effektpedaal is een elektronies apparoat dat veulal deur gitaristen gebruukt wöd. Et is derveur emaakt um et geluud te vervormen en op dee wieze verskeidene effekten veurt te brengen.
Nen foot switch (Nedersaksisch:vootschakelaar) is n pedaal woarmet zie van verstarkerkanaal wesselt.
Geskiedenis
bewarkPedalen veur gitaren bestoat al vanof de 70'er joaren. Dee pedaaln konden toon nog geen effekten tooveugen, moar bestoanden enkel veur et wesselen van toonheugten. Wat joarn later gingen zie hiermet wat dinge oetpreberen, en zo kon der al raps nen echo an et geluud wödden too-eveugd. Dee pedaaln bunt pas echt ewild ewodden deur den meister gitarist Eddie Van Halen. Hi-j bruukten völle pedaaln veur verskeidene soorten effekten. Dit is, um n veurbeeld te geaven, good te heuren bi-j et nummer Ain't Talkin' 'Bout Love.
Al raps gingen völle hardrock- en metalbends an de slag mit pedaaln. Pedaaln wodt vri-jwal altied ebruukt bi-j optreadens van baends, veural bi-j rock, hardrock, punkrock en metal.
Warking
bewarkNen foot switch warkt deur nen kabel van den gitaar noar et pedaal, en dan nog nen kabel an de andere kante van et pedaal noar den verstarker in te stekken. Der bunt ok pedaaln dee-j rechstreaks deur middel van nen aparten kabel in nen aparten uutgang van den verstarker könt stekken. As der gitaar wödt espöld, en zie drükt dan met den voot (vandoar uutereerd den noam foot switch) op et pedaal, dan zal der n effekt op et geluud zitten, of wödt et geluud nog dubbel verstarkt.
Taak
bewarkPedaaln zorgt veur effekten zoas Chorus, Flanger, Phaser, Echo, enz..., moar künt ok nog dubbel distortion, gain, treble, bass, ... an et geluud toovoegen. Pedaaln bunt ok gans händig um bieveurbeeld van clean noar overdrive oaver te schoakelen.