Floams Broabant

De provìnzie Floams Broabant (Nederlaands: Vlaams-Brabant, Frans: Brabant flamand, Limburgs: Vlaams-Brabant), mit as heufdstad Leuven, is ain van de tien provìnzies van Belgie. De provìnzie telt sikkom 1.187.000 ienwoner (2023). Zie is de jonkste en ook de klainste van de vief Floamse provìnzies. De belaangriekste steden binnen Leuven, Vilvoorde, Halle, Tienen, Diest en Aarschot.

Floams Broabant
Vlagge van Floams Broabant	Wapen van Floams Broabant
Informasie
Heufdstad	Leuven
Geografie en bevolking
Oppervlak	2.118 km²
Inwoeners - Bevolkensdichtte	1.187.483 (1 jannewoari 2023) - 561 inw./km²
Koordinaten	50° 55′ N, 4° 35′ O
Webstee www.vlaamsbrabant.be

Kaorte van de provinzie Floams Broabant (Bezirk = arrondisemìnt)

t Grinst ien t zuden aan Hainego, Woals Broabant en Loek, ien t westen aan Oostfloandern, ien t noorden aan Antwaarp en ien t oosten aan Limbörg.

De provìnzie Floams-Broabant het n laankrekde vörm en is van oost noar west tou sikkom 90 km laank, en van noord noar zuud tou sikkom 40 km (ien vogelvlucht). Floams-Broabant bestaait oet 65 gemaintes, woarvan 30 in t arrondissemint Leuven en 35 in t arrondissemint Halle-Vilvoorde, dat as kaisomschrieven bie Europese of federoale verkaizens of as gerechtelk arrondissemint nog n gehail oetmoakt mit t Bruzzels Heufdstedelk Gewest en din bekind staait onder de noam Bruzzel-Halle-Vilvoorde.

Ontstoan

De provìnzie ontston deur de olle provìnzie Broabant te splitsen bie de toalgrins laangs ien n Floams dail (Floams Broabant), n Woals dail (Woals Broabant) en t aan de iendailn ien provìnzies onttrokken Bruzzels Heufdstedelk Gewest. Dizze schaaiden von stee op 1 jannewoari 1995. De provìnzie Floams Broabant heurt tot t Floams Gewest, de provìnzie Woals-Broabant tot t Woals Gewest. t Bruzzels Heufdstedelk Gewest wordt volledeg omsloten deur Floams-Broabants grondgebied.

Toal

De offisjele toal is t Nederlaands, met oetzöndern van verschaaidene fasiliteitengemaintes om en bie Bruzzel en laangs de toalgrins woar Franstoalegen toalfaziliteiten genieten. De lèste tientallen joaren vestegden der zok nait-geringe aantellen immigranten en boetenlaanders. De groep ienwiekelens vaalt sosjologisch en demogroafisch oetain ien vijer grode groepen: (1) Nederlandstoaligen dij dichter bie heur waark ien Bruzzel kommen wonen of dij juust oet Bruzzel votgoan, (2) Franstoalegen, ook ôfkomsteg oet Bruzzel en ook oet Wallonie, (3) Noordamerikoanse en EU-börgers, waarkzoam veur internaasjonoale bedrieven en Europese instèllens en maisttieds hier veur enkeld verschaaide joaren, en (4) Noord-Afrikoanse en Törkse immigranten, dij oft ook eerstens ien Bruzzel woond hebben.

t Lokoale dialekt is t (Zuud-)Broabants.

Arrondisemìnten

• Arrondisemìnt Leuven
• Arrondisemìnt Halle-Vilvoorde

Gemaintes

Gemainten mit n stadstitel hebben (stad) aachter heur noam stoan.

Aarschot (stad) Affligem Asse Beersel Begijnendijk Bekkevoort Bertem Bever Bierbeek Boortmeerbeek Boutersem Diest (stad) Dilbeek Drogenbos Galmaarden Geetbets Glabbeek Gooik Grimbergen Haacht Halle (stad) Herent

Herne Hoegaarden Hoeilaart Holsbeek Huldenberg Kampenhout Kapelle-op-den-Bos Keerbergen Kortenaken Kortenberg Kraainem Landen (stad) Lennik Leuven (stad) Liedekerke Linkebeek Linter Londerzeel Lubbeek Machelen Meise Merchtem

Opwijk Oud-Heverlee Overijse Pepingen Roosdaal Rotselaar Scherpenheuvel-Zichem (stad) Sint-Genesius-Rode Sint-Pieters-Leeuw Steenokkerzeel Ternat Tervuren Tielt-Winge Tienen (stad) Tremelo Vilvoorde (stad) Wemmel Wezembeek-Oppem Zaventem Zemst Zoutleeuw (stad)

Boetende hìnwiezen

• AlleCijfers.be

Provìnzies van Belgie (Grunnegse mal)
Floandern:   Westfloandern · Oostfloandern · Antwaarp · Limbörg · Floams Broabant Wallonie:   Woals Broabant · Hainego · Noamen · Luxembörg · Loek Bruzzels Heufdstedelk Gewest:   /