Frans Westenbrink
Frans Westenbrink (Hoogeveen, 10 september 1943 - Rune, 27 juli 2024) was een schriever en zanger van Drèentstalige liedties.
Op zien vieftiende begunden Westenbrink as lichtmetroos te warken. Wieder hef e nog veule, uutienlopende beroepen ehad. Van zien zesentwintigste töt zien pensioen was e vakbondsbestuurder. In zien vri'je tied was e vervangend scheuper van de kudde Drèentse Heideschaopen in Rune. Ok richtten e de Fokkersvereniging voor Drentse en Schoonebeeker Heideschapen op.
Westenbrink was actief as tekstschriever en schreef sund de jaoren negentig liedties in 't Drèents. Partie liedties hef e zölf ezungen. In 1993 kwaamp van hum en aandern de cd Girrelzaand uut.
De mieste teksten op de cd 'Kado veur mij' van de Runer zangeres Tiny Klomp bint deur Westenbrink eschreven. Ok mak Westenbrink neulstokkies die as e veurdrag veur Radio Drenthe. Oaver zien boek mit vieftien vraoggesprekken Drentse Portretten - Verhalen van 'buiten'gewone Drenten (Het Drentse Boek, 2006) zee-r-e: "Elk meinse is uniek. Der bint gien gewone meinsen. Daorumme bint het verhalen van butengewone Drenten."
Bron
bewarkFrans Westenbrink op 80-jarige leeftijd overleden
|
Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek. |