Free Software Foundation

non-profitorganisatie

De Free Software Foundation (FSF) is een non-profitorganisatie, erund vanuut Boston, veur 't ondersteunen van de vrijesoftwarebeweging. Dizze beweging zet heur in veur de wereldwiede vrijheid um software te bestuderen, verspreiden, maken en wiezigen. De stichting is in 1985 opericht deur de Amerikaanse programmeur en activist Richard Stallman.

Richard Stallman, oprichter van de Free Software Foundation, in 2019

De FSF hef 't liefst det software verspreidt wördt onder copyleft: de vrijheid um een wark, en alle daorvan ofeleide warken, te veraandern en wieder te verspreiden, waorbij 't onmeugelk is um zoks te doen onder veurweerden die dizze vrijheid inparkt. Copyleft giet op veur een licentie die de stichting zölf uutgef, de GNU General Public License.

Vanof de oprichting töt midden jaoren negentig is de centerije van de stichting miest gebruukt um software-ontwikkelaars vrije software te laoten ontwikkeln veur 't GNU Project. Sinds die tied hebt de warknemers en vrijwilligers van de FSF heur veurnamelk bezigeholden mit juridische en structurele zaken umme de vrije software-beweging verdan te helpen. De stichting perbeert daorbij op de eigen computers niks as vrije software te gebruken.

Dit artikel is eschreven in 't Zuudwest-Drèents.