Fysiotherapie

WIKIPEDIA kan der nit vöär instån dat de inhold van artikels kloppet. As jy wat mankeret, kün jy et beste eaven by een dokter angån.

Fysiotherapie (uut 't Grieks φυσις (physis), netuur en θεραπεία (therapeía), 't genezen), ok wal kinesitherapie (uut κίνησις (kínesis), beweging), is een paramedische discipline die hum bezigholdt mit de behandeling van klachten van 't steun- en bewegingsapperaot van de mèense of van dieren. Daorbij dreit 't um oefeningen um de beweeglijkheid bèter te kriegen en zeerte te vermindern.

Een fysiotherapeutische sessie in de Verienigde Staoten

De fysiotherapeut döt een lichamelk onderzuuk, stelt een behandelplan op en beprat det mit de pesjent. 't Plan kan beveurbield ericht wezen op 't bèter functioneren van (dielen van) 't lichem, zo goed as meugelk functioneren binnen de grèenzen van iets waj mekeert, of 't vermindern van zeerte.

De fysiotherapie is ontwikkeld uut de heilgimmestiek. Der bint een hiele bulte specialisaties, waoronder de kiender-, bedriefs-, arbeids-, sport- en dierenfysiotherapie. Soortementen behandeling die inezet wördt, bint onder aandere oefentherapie, massage, fysische therapie (warmte, kolde, elektrische of ultrasone prikkels) en elektrotherapie. De therapie wördt anebeuden as primaire zörg, dan wal naost of samen mit aandere medische behandelingen. In sommige laanden, zoas 't Verienigd Keuninkriek, meugt fysiotherapeuten ok medecienen veurschrieven.

Dit artikel is eschreven in 't Zuudwest-Drèents.