Gelderse Tramwaege
De Gelderse Tramwaege of GTW was ne Nederlaandse tramwegmoatschoppi-je dee in den anvang van de 20ste eeuwe n tröpken tramlienen exploiteerden woarmet den Geldersen Achterhook wodden ontslotten. Der waren n antal wetteleke bepoalingen woar ne 'echte' spoorliene wal an mos voldoon en tramlienen neet, woardeur de lesten goedkoper an te leggen en te exploiteren waren.
De moatschoppi-je wodden in 1881 op-ericht as de Geldersche Stoomtramweg Moatschoppi-je. Dizze moatschoppi-je reed anvankelek alleneg op de liene Arnem - Diern - Deutekem - Terborg - Anholt. In den löp van de tied is de exploitasie van de andere stoomtramlienen in den Achterhook (van den ZE, GWTM, TMDG en GOSM) en de Betuwe (BSM) ok bi-j de GTW terecht-ekommen umdat dizze andere stoomtram-moatschoppi-jen et heufd neet meer zelfstaandig boaven water konden holden. Éne van dee oaver-enommen moatschoppi-jen was de in 1907 op-erichte Tramweg Moatschoppi-je Zutfent-Emmerik. De ZE verboand under andere de staedn Zutfent, Deventer, vanof et station op et Potheufd, Diern, Doezebarg, Deutekem en Emmerik.
In 1934 wodden den name veranderd in Gelderse Tramwaege. In den joaren 70 volgden nog nen naamswieziging in GSM (Geldersen Streekvervoers Moatschoppi-je), toon den tram allang was vervangen deur de busse. De GSM ging in 1997 op in et bedrief Oostnet. Vandage is dén Geldersen of dén Tram onderdeel van et vervoersbedrief Syntus, dat met under meer lighttrainmaterioal de spoorliene tussen Arnhem, Deutekem en Wenterswiek onderhöld. Völle foto's en materioalen bunt te bekieken in et Openboar Vervoer Museum in Deutekem.
Nen tram as duukboot
bewark"Den onderzeeboot" was bi-j de GTW den bi-jnaam van nen machinist den bi-j Doezebarg bi-j de olde skipbrugge ne bochte verkeerd nam en met zienen tram in den Olde Iessel kwam. Hi-j kwam doar zunder kleerscheure vanof moar mos dit verhaal nog joaren heuren.
Uutgaonde verwiezingen
bewark- Smalspoormuseum
- Spoorzeuker
- Museumbus (Engels)
- Ovm