Generale Governoraat (Polen)
Et Generale governoraat (düütsk: Generalgouvernement; poolsk: Generalne Gubernatorstwo; ukrainsk: Генеральна губернія), vuluut et Generale Governoraat van et Besatte Poolske Gebeed (düütsk: Generalgouvernement für die besetzten polnischen Gebiete), was ne streake in Polen wat Nazidüütskland, Slowakye un de Sovjetuny in 1939 inenöämen hadden. De höyvdstad was Lwów (vöär de geleygenheid ümmedöyped töt Litzmannstad) un later Krakau.
.svg)
De Tweyde Poolske Republik wör upedeyld in dree streaken: et Generale Governoraat in et midden, Poolske gebeden inenömmen döär Nazidüütskland in et westen, un poolske streaken inenömmen döär de Sovjetuny in et ousten. Do as de düütskers ouk de Sovjetuny binnenvöllen in 1941, wör et governoraat flink grötter, med nu ouk et distrikt Galicie der by. Et gebeed wat et Generale Governoraat heaten was ungeväär lyk an et oustenrykske deyl van et Poolsk-Litouwske Gemeynebest nå de darde updeyling van Polen in 1795.
Up den 8. oktober 1939 kundigden Hitler an dat de poolske regeyring was inestört un dat vanaf nu alle poolske lüde ståtlouse underdånen van Düütskland warren. Behalve de etnisk düütske inwoaners van Polen; dee kreagen ståtsbörgerskop van Nazidüütskland.
De regeyring van et Governoraat was vulleydig in handen van düütske beambten. Et gebeed solde koloniseerd worden döär düütske intrekkers. De lokale poolske bevolking solden neet meyr weasen as slaven un uutendelik uuteroded worden. Den naam Polen wör uutewisked un alle lokale namen wörden verdüütsked.