Geofiksie

Bie Geofictie of Verzunnen landskappen geet et um et verzinnen van geografische eenheden as steaden, laanden en planeten. Ok skriewers van sagen, sciencefiction en fantasy verzint vake hele landskappen. Op wat skolen is et verzinnen van landskappen deel van lessen oaver ekonomie of moatskoppieje.

Een veurbeeld van hoo iemaand van de Amerikaanse stoat Rhode Island nen verzunnen natie zol können maken

Wat leu doot et umdat ze et neet eens zint met wo as de hudige samenleaving in mekander stekt. Doarumme maakt ze ne utopische dreumachtige wearld. Anderen köant zik wat better vinden in de warkelike wearld en verzint zelf landkaarten, sproaken, muziek of nieje spoorweagen in bestoande landen.

Binnen geofictie kan allens verzunnen worden wat den anstichter in 'n kroam te passe kump, töt an grondwetten, geskiedenissen en hele dienstregelingen veur et (verzunnene) oapenboar vervoor an to.

Zeenswiezen

Wat geoverzinners doot et vuur de wille. Et geet um et spöllen met de meugelikheden van de fantasie. Met de komst van et internet is der völle mear oetwesseling tusken geoverzinners. De projecten zint vake humoristisch en ne parodie op de echte wearld, mer mangs komt der verrassende nieje politieke inzichten oet.

Dit artikel is eskreaven in et twentsk.