Gerrit Wassing (Grunnen, 4 septìmber 1925 - Assen, 2015) was n dichter en schriever in t Grunnegs en Nederlaands.

Wassing wör geboren as zoon van n winkelier en muzikus. Hai gruide op in Stad. Stadsgrunnegers het er van straode en van opa en opoe leerd. Hai het Deupsgezind predikaant west in Leeuwerd en het mit vraauw in Spanje en op t Oamelaand woond.

Noa zien pensioneren is Wassing eerst in t Nederlaands schrieven goan, doarnoa in t Grunnegs dou er mainden dat zien haiku hail goud in beknopte Grunneger toal paasden. Zien haiku stuurde hai noar t Grunnegstoalege tiedschrift Krödde tou.

Veur zien körde verhoal De poppenspeuler het Wassing in 2003 de Tine Clevering-Meijerpries van t Prins Bernhard Cultuurfonds had, en veur de novelle Met de vouten in t wotter de Literaire Pries van Stichten Grunneger Bouk. Zien waark stond noast in Krödde ook in Drìnts literair tiedschrift Roet.

Citoat bewark

Ook dizze mörn leerde ik der weer wat bie. Oet veren van n vogel, dai tou t wad oet vloog, vol wotter in zee terogge. Ik docht, dat ik druppen heuren kon. Even docht ik weerom aan laange joaren leden, dou der soavends druppen in t wotter vollen op Lembang. t Muik mie de mörn tot n hail biezundere. Summege dingen beuren je aaltieden weer, docht ik even. Summege dingen binnen aiveg.
Oet Met de vouten in t wotter (blz. 59)

Waark bewark

  • Vogels over de Lembangweg (1989)
  • Een handvol leegte: haiku (1995)
  • Een huiddunne damp: haiku (1996)
  • Manis: Een Indië-verhaal (1997)
  • Rafelend water: haiku (1998)
  • Met de vouten in t wotter (novelle, 2000)
  • Alkestis in Brantgum (novelle, 2000)
  • Rook van licht: haiku (2001)
  • Wind (haiku, 2001)
  • Het lange luisteren: haiku (2002)
  • De opstand van de fazanten (novelle, 2003)
  • n Wereldtoal: Körde verhoalen (2003)
  • De mandibak van Deetje (novelle, Nederlaands, 2005)
  • De stilte van t snijen (novelle, 2005)
  • t Blode baintje van Diëng (novelle, Grunnegs, 2006)
  • Het blote beentje van Diëng (novelle, Nederlaands, 2006)
  • Schoelen in de stilte (haiku mit Japanse vertoalens deur Ryoko Kawazama, 2007)
  • Een olifant in de lucht: vier Ganesha-verhalen (2007)
  • n Vogel in de toene (novelle, 2008)

Welle bewark

Boetende hìnwiezen bewark