Hollaand

streke in et westen van Nederlaand
(döärstüürd vanaf "Gewest Hollaand")
Dit stok gaot over de streke Hollaand. Kiekt bi'j Hollaand (duurverwiesziede) veur wiedere betiekenissen van et woord.

Hollaand (van Oldnederlaans Holtlant, Holtlaand) is een streke in et westen van Nederlaand, die bestaot uut de perveensies Noord-Hollaand en Zuud-Hollaand. De opsplitsing in twee perveensies is veur ekeuzen in 1840 zodat Hollaand binnen et keuninkriek niet al te vule de bokse an zol hebben.

De perveensies Noord-Hollaand en Zuud-Hollaand, hier allebeidend geel, bin de voortzetting van de streke Hollaand, al bin de greenzen niet krek dezelde.

De beide perveensies bin aans niet krek gelieke an de (historische) streke Hollaand. De stad Woerden beveurbield is een paer maol hinneweer egaone tussen Zuud-Hollaand en de perveensie Utrecht, en lig now in lestgenuumde perveensie. Een aander veurbield is et stadtien Vianen, dat tot 2002 in Zuud-Hollaand lag en sinds die tied bi'j Utrecht heurt. In 2019 bin et Zuud-Hollaanse stadtien Leerdam en de Zuud-Hollaanse gemiente Zederik ok bi'j Utrecht edaone, toen ze mit Vianen in de ni'je gemiente Vuufheerenlanen (Vijfheerenlanden) gongen.

Op 30 november 2011 telden de perveensies Noord-Hollaand en Zuud-Hollaand mit mekaere 6.259.901 inwoners op een laandoppervlak van 5485,72 km². Dat gef een bevolkingsdichtheid van 1141 inwoners per km².

Dit stok is eschreven in et Stellingwarfs van de Kop van Overiessel.