Gondelvoart (Breevoort)

De Gondelvoart in Breevoort is n joarleks weerummekommende Gondelvoart dee vanof 1928 op de olde stadsgrachte van Breevoort wöd eholden in den Geldersen Achterhook. Et besteet uut nen tocht van deelnemmende voartuugen dee gin gondels bunt moar vlotten met verlechte kunstveurwarpen.

Geskiednis bewark

Vanof 1928 wierd an-evangen met de joarlekse voart. Et bestuur van de Veraeniging Volksfeest had in Laeg-Keppel nen gondelvoart ezene en skref doarnoa in de Aaltensen Krante: ‘Doar veel zo'n waterfeest gans in de smaak. Veural bi-j aovond as alles feestelek verlecht wödt, bunt skitterende anzichten te behoalen.’

Der waren dee eerste kere in Breevoort 8 kleine gondels, etrokken deur roeiboten en verlecht met vetpötkes en lenteerns. Tot 1934 hebt zie de gondelvoarte eholden, altied as veurbereiding op et volksfeest en ok in dee tied kwamen de kiekleu al wiet uut de umgaeving…

Deurstart bewark

Et Comité Volksfeest reep in 1968 de Breevoortse leu op, um op 21 meert noar Zale Goldewiek te kommen met den slagzin: "Dit kan de gewoarwödding van et joar wödden". Den aovond is doar uut-ebreid esproaken oaver de Gondelvoarte en den uutkomst was: Wi'j goat et doon. In fabrieken en schoppen gingen zi-j anvangen. Vakleu wödden derbi-j eroopen. Et 2de waekende van september was et zowiet. Breevoort leep vol kiekleu um de gondelvoart te zeen. Op zoaterdagoavond ging et nog bi'jnoa mis. Deur nen alderbastenden wolkbreuk um 18 uur dreigden dee gondelvoarte in et water te vallen. Moar zeedoar, pastoor Metternich bad tiedens de Heilige Misse um dreugte, de loch kloarden op en Breevoort belaefden nen dollen gondelvoartoavond. Wat völlen in dee tied neet wisten was, dat 40 joar doarveur, woonsdag 15 augustus 1928 veur de allereerste kere in Breevoort ne gondelvoart te zeen was ewes.

Vanof dee tied wöd de voart joarleks op et leste waekende van augustus en et eerste waekende van september.

Ni-je tied bewark

Vandage bunt der 14 gröppen bouwers, woarbi-j 350 vri-jwillers ne rolle spölt, en steet vandage los van et volksfeest, en is zelf n volksfeest ewodden, mit ne broaderie, laevende muziek, en nen lechttocht deur de stad, woarbi-j völle inwonners tuunen en straoten hebt verlecht met lämpkes en vetpötkes. De Gondelvoarte is vandage n dag n deel van de Breevoortse kultuur ewodden.