Grote of Lebuïnuskarke
De Lebuïnuskerke in Deventer was in de Middeleeuwn de heufdkarke van de stad en ene van de veurnoamste karken binnen et bisdom Utrecht. Et is histories en bouwkundig n belangriek bouwwark. De Lebuïnuskarke deed tiedens et kortstoandigen bestoan van et bisdom Deventer (1559-1580) deenst as kathedroal. De karke beheurt tot den Top 100 der Nederlaandsen UNESCO-monumenten.
De eerste (holten) karke op dizze plaatse wodden in 768 ebouwd deur den missionaris Lebuïnus. Al in n vrog begin wodden n kapittel an de karke verbaonden. Biskop Balderik van Utrecht verving heur in de 10de eeuwe deur ne steen' karke. In 1040 gaf biskop Bernold opdracht veur den bouw van nen groten romaansen basileek. In 1235 en 1334 wodden de karke verwoost deur braand. De karke van vandage, ne gotiese hallenkarke, kwam tot staand tussen 1450 en 1525. In et opgoande wark bunt echter nog belangrieke delen van den romaansen veurgänger anweazig. Ok is de romaanse crypte bewoard ebleaven, den starke geliekenis verteunt met de crypte van de Pieterskarke in Utrecht, dee ok deur Bernold is ebouwd.
De hele karke is veurzeen van kruus-, star-, en netgewelven. De pleistering van et binnenwark is, met uutzundering van dee delen dee-t van muurskilderingen veurzeen waren, in de joaren vanof 1927 vort ehoald. Den toorn kump uut et ende van de 16de eeuwe. Begin 17de eeuwe is zi-j bekreund mit nen lanteern noar et untwarp van den Amsterdamsen bouwmeister Hendrick de Keyser ten behoove van nen beioard van de gebreuders Hemony.
Wat ofmetingen
bewark- Lengte van de karke (binnenwarks): 99,10 meter
- Grootste breedte: 38,65 meter
- Heugte van et schip: ca. 18 meter
- Heugte van den toorn: 62,50 meter