Haskerlaand
Haskerlaand (Fries: Haskerlân) is een veurmaolige gemiente in et zuden van de Nederlaanse perveensie Frieslaand. De gemiente beston tot 1984.
De naeme Haskerlaand verwiest oorspronkelik naor haske of heesc: een grössoorte. Een populairdere verklaoring onder de bevolking was dat et woord van et Friese haske komt, dat haezien betekent.
In 1934 raekte de gemiente een stok laand in et oosten van et hudige Ni'jehaske kwiet an de doe ni'je gemiente Et Vene. Et plak Et Vene was naemelik groot wodden en over de greenzen van drie gemientes gruuid. Haskerlaans buurgemiente Schoterlaand gong grotendiels op in disse ni'je gemiente. Et westelike diel van die gemiente, mit de dörpen Delfstrehuzen, Rohel, Rotsterhaule en Rottum en Jehannesge, wodde bi'j Haskerlaand daon.
Nao de gemientelike herindieling op 1 jannewaori 1984 is Haskerlaand saemen mit de gemiente Doniawerstal opgaon in de ni'je gemiente Scharsterlaand, officieel sund 1985 Friestaelig Skarsterlân. Allienig een klein pat in et zuudwesten mit et dörp Delfstrehuzen is bi'j de gemiente Lemsterlaand gaon.
Plakken (1983)
bewark
De gemiente Haskerlaand had dartien dörpen. Et heufdplak was De Jouwer.
|
|
Tussen haekies staon de Friestaelige naemen.