Metal
Metal of heavy metal (letterlik: zwoar metaal) is n muziekstiel den't begin 70er joarin van t 20ste joarhoonderd is ontstoan oet de hardrockmuziek. t Wörd ekenmoarket duur krachtige aggressieve ritmes, zwoar verstoarkte elektriese gitoaren en duustere tonen. Black Sabbath wörd vake ezeen as n eersten zwoare metalband. Aandere bekeande metalbands zeent Manowar, Iron Maiden (iezerne maagd), Saxon en Judas Priest. Oet heavy metal kömmen verskeaidene oonderstielen oet, zo as trash metal, death metal, powermetal, gothic metal, doommetal, black metal en völle aandere. Nen anhanger van de metalstiel neumt ze meesttieds metalhead (metalkop), of headbanger en metalmaniac.
In metal wörd "ezungen" oawer problemen in de moatskoppieje, mangs oawer geleuf, en mangs oawer zelfbedachte of duustere doodse oonderwoarpen.
De manere van zingen verskilt per oonderstiel, van opera-achtigen zaank, töt skrewen of grunten, n soort grommelen vanoet n haals.
n Vuurbeeld van heavy metal mit zaank in t Neersassies is n Dreantsn band Salacious Gods, n Tweantsn band Sagenland, Horn oet Paderborn, Friisk oet Leer, Heimdalls Wacht oet Ahlen, De Winnewupps oet Stadland, en Breaking December oet Ollenborg.
Oetgoande verbeendige
bewark
|
Dit stüksken is noch mär en knöpken. Wy nöydigt ou üm dissen knop te låten bloien. |