Hedon

Veur de plaatse en civil parish in de East Riding of Yorkshire muj bij Hedon (Yorkshire) wezen.

Hedon is een poppodium in de stad Zwolle, opericht in 1973. In 1996 gunk 't samen mit Popfront naor gebouw De Branie an de Zamenhofsingel (sinds 2002 de Burgemeester Drijbersingel enuumd), net buten de stadsgrachte. In 2014 deuden ze daor een neie, grotere locatie lös mit ruumte veur 850 lu in de grote zaal en 200 lu in de kleine zaal (die der is veur opkomende en plaatselijke acts). Deur de capaciteit van de grote zaal wus Hedon 't eerste jaor al namen as Marco Borsato, Limp Bizkit, UB40 en Machine Head te strikken. Behalve de beide zalen bint der zeuven oefenruumtes, een backstagekefee en een inpaandig loading dock.

Poppodium Hedon in Zwolle

Hedon hef een nachtprogrammering en wet mit een eigen danceprogrammeur op dancegebied aldeur grotere acts te boeken. Sinds 2014 viendt Kunstbende Overijssel diels plaatse in Hedon. 't Podium hef wieder nog zien eigen bandwedstried mit Stairway to Hedon.

In 2005 en 2012 kreeg Hedon van de Vereniging Nederlandse Poppodia en Festivals de pries veur Beste Poppodium. In 2015 kreeg Hedon-directrice Anne Riemersma van dezölfde veriening de pries veur beste directrice van een poppodium.

Dit stok is eschreven in 't Zuudwest-Drèents.