Heinrich Krüger

Heinrich Karl Adolf Krüger (Schönberg, Mekelnbörg, 9 november 1878 - Lauenstein, 28 augustus 1964) was een Duuts literair historicus en schriever, miest in 't Platduuts. Hij gebruukte de schrieversname Thies Ruge. Op zien name stiet een geschiedenis van de Saksische literatuur van 't Oldsaksisch töt an zien eigen tied.

't Postkantoor in Parchen daor as Krüger directeur van was

Krüger, de zeune van een postmeister, gunk naor 't Realgymnasium in Rostock. An de Universiteit van Rostock studeerde hij een steugien Neiere Talen; vervolgens kwaamp e bij de posterijen te warken. Rond 1914 was e Oberpostsekretär in Swerin (in 't hartogdom Mekelnbörg-Swerin). In 1927 wördden e directeur van 't postkantoor in Parchen, ok in die wereld. In 1932 wördden e veurzitter van 't Platduutse Laandsverbaand in Parchen. Een verhuzing naor Lauenstein, bij Hameln in de buurte, volgde in 1946.

Schrieverije

• Ut swore Tiden. De Parchimsch Chronik nahvertellt (Parchen, 1910)
• Geschichte der niederdeutschen oder plattdeutschen Literatur vom Heliand bis zur Gegenwart (Swerin, 1913)
• Uut Stoff un Stoom. En Sang von'n Krieg (Swerin, 1915)
• Dat Läuschenbauk. Ein Strauß guter Läuschen (Hambörg, 1919)
• En Sommerdrom (Swerin, 1924)
• De Spöök. Plattdeutsches Lustspiel in 3 Aufzügen (1925)

Dit stok is eschreven in 't Zuudwest-Drèents.