Hellmanngetal

Et Hellmanngetal, ook wel koldegetal (Nederlaands: koudegetal), is een meniere um de totaole hoevölheid kolde te meten van de hiele winter. Et Hellmanngetal (H) wördt emeten van 1 november töt 31 meert. Et is vernuumd nao de Duutse meteoroloog Gustav Hellmann. Veur de zommer bestiet er een soortgeliek iets, nämelik et warmtegetal.

Bepaoling en naodielen

Et Hellmanngetal wördt berekkend deur de dagen met een gemiddelde temperetuur leger dan et vröspunt bie mekare op te tellen. An et ende wördt et minteken vot elaoten. Zo geaft twie dagen met een gemiddelde temperetuur van −1,2°C en −0,3°C een Hellmanngetal van 1,5. Een naodiel van disse meniere is det een winter met völle nachtvörst met oaverdag tempereturen ruum baoven de nul graoden niet vlug een heug(er) Hellmanngetal hef. An de aandere kaante kan een warme winter met een paor iesdagen al rap een heuger Hellmanngetal kriegen. Een veurbield is de winter van 2011-2012, disse winter had een Hellmanngetal van 88,4, de winter van 2014-2015 had een Hellmanngetal van 7,8. Beide winters waren met 4,1 graoden gemiddeld^[1] (ärg) zachte. Een aandere meniere um de hoevölheid kolde te meten is met et vörstgetal van IJnsen. Disse meniere gebruukt de hoevölheid vörstdagen, iesdagen en zeer kolde dagen (minimumtemperetuur 10,0 of leger^[2]) um de winter te beoordielen.

Benaming in Nederlaand:

Koldegetal Hellmann (H)	Benaming^[3]
H > 300	Streng
H > 160	Zeer kold
H > 100	Kold
H < 100	Normaal
H < 40	Zachte
H < 20	Zeer zachte
H < 10	Buutengewoon zachte

Benaming in Duutslaand:

Koudegetal Hellmann (H)	Benaming
H > 400	Zeer streng
H > 301	Streng
H > 201	Maotig streng
H > 100	Normaal
H < 100	Zeer zachte

Geschiedenisse

In Nederlaand bint er Hellmanngetallen sinds 1901 bekend. Et is meugelik um wieder terugge et Hellmanngetal te bepaolen, maar de metings van vrogger bint van slechtere kwaliteit as now en er wördden niet in de Bilt emeten. Hierdeur is ien op ien vergelieking muuilik.

De winter van 2013-2014 was de eerste winter sinds minstens 1901 die nul punten ehaold hef.

Heugste Hellmanngetallen

Leegste Hellmanngetallen

Rang	Jaor	Hellmanngetal
1.	1947	348,3
2.	1963	337,2
3.	1942	333,5
4.	1940	294,0
5.	1929	225,2
6.	1956	222,9
7.	1979	205,7
8.	1985	193,6
9.	1917	163,2
10.	1941	154,8

Rang	Jaor	Hellmanngetal
1.	2014	0,0
2.	2020	0,1
3.	1989	1,9
4.	1975	3,2
5.	2000	3,6
6.	2007	4,8
7.	2015	7,8
8.	1990	8,4
9.	2016	9,6
10.	1910	10,0

Verwiezings

Lieste van Hellmanngetallen in Nederlaand:

↑ Gemiddelde oaver 1981-2010
↑ Dit is dus niet etzöldfde as strenge vörst umdet strenge vörst vanaf -10,1 is.
↑ https://www.knmi.nl/nederland-nu/klimatologie/lijsten/hellmannM/

Hellmanngetallen vanaf 1750 in Basel, Berlien, Praag, Frankfurt, Dresden, etc.

Dit artikel is eskreaven in et sallandsk.

[1] Gemiddelde oaver 1981-2010

[2] Dit is dus niet etzöldfde as strenge vörst umdet strenge vörst vanaf -10,1 is.

[3] ttps://www.knmi.nl/nederland-nu/klimatologie/lijsten/hellmannM/

[1]

[2]

[3]