Helsinki

Helsinki (up syn sweydsk en ölder neadersassisk ouk Helsingfors) is de höyvdstad van Finland. Der woanet 656.229 lüde in de binnenstad. Med de vöärstäden der by kümt et inwoanertal up 1.268.296. Dårmed is et med afstand de grötste stad van Finland en et vöärnaamste centrum vöär politik, underwys, geldsaken, kultuur en undersöök. Helsingfors ligt 179 kilometer van de tweyde-grötste stad Tampere, 80 kilometer van Tallinn (de höyvdstad van Estland), 400 km up et ousten van Stockholm in Sweyden en 300 km westelik van Suntpetersburg in Rusland. Med disse dree läste städen hevt Helsinki van oldsher nauwe banden.

De katedråle van Helsinki, nen grouten turistentrekker

De vöärstäden Espoo, Vantaa en Kauniainen en noch wat andere forensenstäden maket de Gröttere Metropole Helsinki, med en inwoanertal van by mekander 1,5 miljoon lüde. Et is Finlands eanigste metropole, de noordelikste metropole van de wearld med meyr as en miljoon inwoaners en de noordelikste höyvdstad van de EU. Nå Stockholm en Oslo is Helsinki de grötste gemeynde in Skandinavie. Binnen de stad geldet beide finsk en sweydsk as officiäle språken.

De stad is internationaal te besöken oaver de internatinale vluchthaven Helsinki Airport in de nåbürige stad Vantaa, med lyndeensten når vöäle bestemmingen binnen Europa en Asie.

Helsinki was de Wearld-Unwarpershöyvdstad van 2012, gastheyr vöär de Olympiske Summerspöllen van 1952 en de organisator van et 52. Eurovisy Songfestival van 2007. Et steyt te book med de höygste städelike leavensstandaard in de wearld. In 2011 satten et britske blad Monocle Helsinki boaven de lyste van leavbårste städen.

Namenherkumst

Volgens ne teory uut de 17. eyw kümmen sweydske kolonisten vanuut Hälsingland in centraal Sweyden an up de küststreaken van Finland, up de steade wat nu bekend steyt as de Vantaarivyr. See nöömden et Hensingå ("Helsingerivyr"), wåruut de namen Helsingedorp en ne lyknamige karke in de 14. eyw untstünden. Disse teory is ümstreyden, ümdat uut dialektundersöök blikt at de kolonisten uut de streake rund Uppland kümmen, en dat had en andere name upeleyverd. Anderen meynet at de name is afleided van et sweydske helsing, nen olden form van et woord 'hals', wat verwist når et nauwe deyl van de rivyr. Andere skandinaviske städen in vergelykbåre landskappen hebbet vergelykbåre namen, sou as Hensingør in Dänemarken en Helsingborg in Sweyden.

Do as de neadersetting Forsby stichted wör in 1548, kreag et de name Helsinge fors, wat "Helsinge ströym" bedüdet. Dee name slüt up de Vanhankaupunginkoski-ströymversnellingen by de brunne van de rivyr. Vandåruut untwikkelden sik de name Helsinge of Helsing, wat verfinsked wör töt Helsinki.

De finske oaverheid en finske kranten gebruked de name Helsinki al seyd 1819, do as de finske senaat verhüüsden vanuut Turku, de vöärige höyvdstad van Finland.

The decrees issued in Helsinki were dated with Helsinki as the place of issue. This is how the form Helsinki came to be used in written Finnish.[20] As part of the Grand Duchy of Finland in the Russian Empire, Helsinki was known as Gelsingfors (Гельсингфорс) in Russian.

Inwoaners van Helsinki nömet de stad vake Stadi (van et sweydkse stad) of Hesa (ne afkörting van Helsinki). In et Noordsamisk heat de stad Helsset.